فن ومشاهير

ارملة اخويا

مفيش نفس عالي.
بصيت لها بخوف لقيتها باصة للسقف، عينيها مفتوحة، وكأنها شايفة حاجة مش أنا شايفاها.
وبهدوء مرعب
مدّت إيديها الصغيرة ناحية شنطة السفر اللي لسه مفتوحة.
كأنها بتختار حاجة.
كأنها عارفة طريقها.
وفجأة
دق الباب رجع تاني.
بس المرة دي ماكانش خبط.
كان صوت مفتاح بيتحط في الكالون.
وبيفتح.
ببطء شديد.
والباب ابتدى يتفتح سنتيمتر سنتيمتر
وأول ما فتحة ضوء ضيق دخل من بره
سمعت صوت رجل من العتمة بيقول
سيبيها وإحنا نسيبك تعيشي.
وبصيت لملك
ولقيت إنها لأول مرة ابتسمت الابتسامة اللي ظهرت على وش ملك كانت أخطر من أي صوت في الدنيا.
ابتسامة طفل بس في غير مكانها.
كأنها مش هي اللي بتبتسم.
أنا ضميتُها أكتر لصدري، وورجليا بتترعش.
الضوء اللي داخل من الباب فتح مساحة كافية أشوف ظل رجل

واقف على العتبة.
طويل.
ساكت.
مش باين ملامحه.
بس أول ما الباب فتح أكتر ظهر إنه مش لوحده.
اتنين وراه.
نفس الهدوء الغريب اللي في الرسالة.
نفس البرود اللي بيخلي الخوف أسوأ من الصريخ.
الرجل اللي في النص قال تاني بصوت هادي جدًا
إحنا مش جايين نأذيكي إحنا جايين ناخد اللي مش من حقك.
بلعت ريقي.
دي بنت أخويا! صوتي طلع مهزوز رغم إني حاولت أتماسك.
رد بسرعة كأنه مستني الجملة دي
وأخوكي كان فاكر نفس الكلام لحد ما قرر يهرب بالحاجة اللي جواه.
ملك حركت راسها فجأة ناحية الباب.
كأنها بتسمعهم.
كأنها فاهمة.
وبدأت تمد إيديها تاني مش ناحيتي أنا.
ناحية الرجل.
اتجمدت.
لا لا يا ملك
بس إيديها الصغيرة كانت أقوى من خوفي.
في اللحظة دي، الرجل مد إيده خطوة لقدام
والنور اللي جاي من بره وقع على وشه.
كان أول مرة أشوفه بوضوح.
وشه مألوف بشكل مرعب.
زي حد شوفتُه قبل كده
مش غريب.
ده واحد من الرجالة اللي في صورة أخويا.
نفسه.
بس أكبر وأبرد.
ابتسم وقال
قولتلك الختم في الطفل.
وفجأة
ملك صرخت صرخة واحدة عالية جدًا.
بس الصرخة دي ماكنتش صوت طفل.
كانت زي جهاز إنذار.
والشقة كلها اهتزت.
الأزاز رن.
والنور رجع مرة واحدة.
وفي ثانية واحدة بس
الرجالة اختفوا من قدام الباب.
كأنهم ماكانوش موجودين أصلًا.
الباب اتقفل لوحده بقوة.
الصمت رجع تاني
بس مش نفس الصمت.
ده صمت بعد انفجار.
بصيت لملك
كانت نايمة.
هدوء كامل.

كأن مفيش حاجة حصلت.
لكن على إيديها الصغيرة
كان في علامة غريبة جدًا.
زي ختم داكن اللون.
بدأ يظهر ببطء وكأنه لسه بيكتمل.
وفي اللحظة دي فهمت حاجة واحدة بس
اللي دخل شقتي النهارده
مش كانوا عايزين ياخدوا ملك.
كانوا مستنيينها تصحى وقفت وأنا مش قادرة أقرر أتنفس ولا أصرخ.
الختم على إيد ملك كان بيغمق لحظة بعد لحظة زي حبر بيتكتب لوحده تحت الجلد.
قربت منها ببطء، وقلبي بيقولّي أهرب لكن رجلي مش شغالة.
لمست إيدي الصغيرة بإيدي.
كانت دافئة زيادة عن الطبيعي.
وفجأة، همست ملك بصوت مش صوتها
متخافيش أنا فاكرة.
وقعت على الأرض من الصدمة.
فاكرة إيه؟! صوتي طلع متكسر.
ملك فتحت عينيها ببطء وبصتلي.
بس المرة دي مفيش طفلة جوه العينين.
في حد تاني.
فاكرة الباب اللي اتقفل قبل ما بابا يموت بدقيقة
سكتت لحظة، وبعدين كملت
وفاكرة مين فتحه.
الدنيا لفت بيا.
باب إيه؟ وأخويا كان في إيه أصلاً؟
قمت بالعافية، وفتحت الشنطة تاني بجنون، أقلب فيها كأني بدور على حاجة تنقذني.
لحد ما لقيت ظرف صغير جدًا ماخدتش بالي منه قبل كده.
مكتوب عليه
لو الصوت ظهر متثقيش في اللي جاي من الدم.
رفعت عيني ببطء ناحية ملك.
هي كانت واقفة على السرير دلوقتي.
واقفة رغم إنها لسه رضيع.
وبتنزل من إيديها الختمة السودة نقط صغيرة على الملاية زي إنها بتكتب حاجة.
وفجأة قالت

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى