
مكنش فيه فلوس ولا دهب.. كان فيه
كشكول قديم مكتوب بخط إيد صغير ومنظم جداً، كله أرقام ومعادلات ورسومات هندسية.
ورقة رسمية عليها ختم النسر، مكتوب فيها جامعة القاهرة كلية الهندسة شهادة تخرج الطالب يونس رضوان الشناوي بتقدير امتياز مع مرتبة الشرف.
عقد ملكية أرض قديم جداً، بس الاسم اللي فيه مكنش اسم جدي رضوان.. كان اسم الشيخ كامل، وده كان راجل طيب من أصحاب الأرض الأصليين في العزبة، واختفى من عشر سنين والناس قالت إنه سافر بره!
وفجأة، لقيت ورقة مطوية مكتوبة بخط عمي يونس، ومكتوب في أولها إلى من يجد هذا بعد أو خلاصي.
بال بشر!
قبل ما أستوعب اللي قريته، سمعت صوت جلبة بره البيت، بس المرة دي مكنتش صوت رجالة العزبة. ده كان
قبل ما أستوعب اللي قريته، سمعت صوت جلبة بره ، بس المرة دي مكنتش صوت رجالة العزبة. ده كان صوت سراين عربيات شرطة!
نزلت جري على السلم، لقيت العزبة كلها واقفة على رجليها. تلات عربيات بوكس أسود وعربيتين ملاكي فخمين وقفوا قدام
بيت جدي.
أهل العزبة كلهم اتجمعوا، وأبويا خرج وشه مسود وجدي ساند على عصايته وبيحاول يبتسم ويهدي الوضع خير يا فندم؟ في إيه؟ إحنا ناس مزارعين وفي حالنا.
انفتح باب العربية الملاكي، ونزل منها مأمور المركز، ووراه راجل بلبس رسمي، وبعدين.. نزل من الكرسي الورااني راجل بدلة كحلي نضيفة جداً، حلاق دقنه وشعره مصفف، وعينيه الواسعة السودا بتلمع بنفس البريق.
عمي يونس!
البلد كلها برقت وعملت أُوفّ بصوت واحد. أبويا رجع خطوتين لورا ورجله اتخبطت في المصطبة، وجدي رضوان العصاية وقعت من إيده.
عمي يونس مبصش لحد فيهم، بص للمأمور وقال بصوت قوي، ملوش علاقة بالصوت اللي سمعته بالليل
هو ده البيت يا فندم.. وهناك الزريبة وشجرة الجميزة اللي قولت لمعاليك عليها.
المأمور شاور للعساكر فتشوا المكان، وهاتوا الفؤوس والبلدوزرات اللي بره!
أبويا صرخ فتشوا إيه يا باشا؟ ده واد مننا بالليل، انتو بتصدقوا ؟
هنا تقدم الراجل اللي باللبس الرسمي وقال لأبويا بلهجة صارمة مجنون مين يا راجل أنت؟ البشمهندس يونس شغال في المركز القومي للبحوث، ووزارة الري كانت قالبة الدنيا عليه من تلات سنين بعد ما اختفى في ظروف غامضة وهو شغال في مشروع قومي! البشمهندس لما هرب بالليل، مشي كعب داير وسط المطر لحد ما وصل لنقطة الشرطة الرئيسية في البندر، وقابلنا وبلغ عن كل حاجة بالوثائق اللي كان باعتها لزميله في القاهرة قبل !
الحفر تحت الجميزة.. وظهور الحقيقة
البلدوزر بدأ يهد سور الزريبة. أهل العزبة واقفين في ذهول، مفيش حد نطق بكلمة. جدي رضوان قعد على الأرض، ملامحه كبرت سنة في دقيقة واحدة، وأبويا كان بيحاول من ورا البيت بس العساكر قفلوه وحطوا الحديد في إيده.
العمال بدأوا يحفروا تحت شجرة الجميزة.. بالظبط في المكان اللي عمي يونس كان مربوط فيه. بعد حوالي ساعتين من الحفر المستمر وسط ترقب، واحد من العمال لقينا يا باشا! لقينا !
البلد كلها صرخت.. الحقيقة ظهرت للنور. الشيخ كامل اللي اختفى من سنين، تحت جدر الجميزة، تحت السلسلة اللي كان عمي يونس مربوط فيها. عمي كان بيقعد سنين فوق ، وهو الوحيد اللي عارف السر!
الخاتمة.. نهاية عائلة وبداية حياة
في وسط المعمعة دي، عمي يونس لف عينه وسط الزحمة لحد ما عينه جت في عيني. أنا كنت واقف بعيط وخايف. عمي مشي خطوات ناحيتي، العساكر سابوه يمر. وقف قدامي، ووطى على ركبه لحد ما بقى في طول طول سني.
بصلي وابتسم نفس الابتسامة الخفيفة، بس المرة دي مكنش خايف حد يشوفه.
مد إيده ومسح وقال وعينه مدمعة
القرصة الفلاحي بتاعتك بالليل.. كانت أحسن لقمة أكلتها في حياتي يا أحمد. لولا قالب الطوب بتاعك، كان زماني جنب الشيخ كامل.
أنا طلعت الصندوق الصغير من عب جلابيتي وادتهوله ده بتاعك يا عمي.. أنا حفرت وجبته.
عمي جامد، وبكى لأول مرة بصوت .




