جوزي أصر إن أمه وأخته يسافروا معانا في الرحلة الوحيدة اللي كنت مخططالها أنا وبناتي من سنتين. كنت بحوش للرحلة دي جنيه فوق جنيه. البنات اختاروا الفندق بنفسهم، وكل يوم تقريبًا كانوا يفتحوا الصور ويتخيلوا هيعملوا إيه أول ما نوصل. قبل السفر بأسبوع، جوزي قال بمنتهى البساطة ماما وأختي مسافرين معانا. بصيتله باستغراب. إزاي؟ الحجز لأربع أفراد بس.
قال
زودي الحجز.
ومين هيدفع؟
اتضايق وقال
إنتِ محسساني إنهم أغراب! دي أمي وأختي.
حاولت أفهمه إن دي أول رحلة لينا أنا وهو والبنات من سنين، وإن الميزانية محسوبة.
لكنه قاطعني
اللي مش عاجبه يقعد في البيت.
سكت لحظة.
وبعدين ابتسمت وقلت
عندك حق.
افتكر إنه كسب.
تاني يوم، اتصلت بالفندق.
الحجز كله كان باسمي.
والفلوس أنا اللي دفعتها.
غيرت الموعد بدل ما ألغيه، ونقلت إقامتنا لفرع تاني تابع لنفس الفندق في مدينة ساحلية أبعد.
وقبل السفر بيوم، خدت شنطي وشنط البنات وحطيتهم في العربية من غير ما حد يحس.
الساعة 5 الفجر، صحيت البنات.
وسافرنا.
الساعة 7، جوزي صحي.
ملقاش حد.
اتصل بيا.
إنتِ فين؟
قلت
مسافرة.
يعني إيه؟! إحنا مسافرين النهارده!
عارفة.
طب ارجعي حالًا، أمي وأختي جايين!
قلت بهدوء
ما إنت قلت اللي مش عاجبه يقعد في البيت وأنا عجبني أسافر.
وقفلته.
بعد ساعة اتصل بالفندق.
اكتشف إن مفيش حجز باسمه أصلًا.
اټجنن.
لكن أنا وبناتي كنا وقتها بنفتح باب جناح صغير قدام البحر.
لأول مرة من سنين شفتهم بيضحكوا من قلبهم.
افتكرت إن الموضوع انتهى.
لكن بعد يومين، موظف الاستقبال اتصل بيا.
قال
مدام، في راجل تحت بيقول إنه جوز حضرتك.
نزلت.
لقيت جوزي واقف لوحده.
لا أمه معاه ولا أخته.
كان ماسك شنطة صغيرة ووشه متغير.
قال
محتاج أتكلم معاكي لوحدنا.
رفضت.
لكنه طلع موبايله ووراني رسالة.
كانت من أمه.
مكتوب فيها
خليها تستمتع بالرحلة لما ترجع مش هتلاقي البيت زي ما سابته.
ضحكت وقلت
بتهددني يعني؟
هز راسه.
لأ إنتِ مش فاهمة.
وبعدين قال
أمي وأختي ماكانوش عايزين يسافروا معانا عشان المصيف.
سألته
أمال ليه؟
