
نصيحة مني ليكي كواحدة أقدم منك في الكار.. اقلعي العقد وارجعيه للمحل قبل ما النيابة تحرزه، عشان القضايا اللي جاية ثقيلة أوي عليكِ وعلى الباشمهندس بتاعك.
وقفلت الباب في وشها بمنتهى الهدوء.
بعد ستة أشهر..
كانت شيرين واقفة قدام قاعة المحكمة.
الشمس كانت ساطعة، ونور بنتها كانت ماسكة في إيدها وفرحانة بلبسها الجديد.
خرج المحامي من القاعة وبابتسامة عريضة قال
الف مبروك يا مدام شيرين.. حكم صدر، والتمكين من الشقة بأمر النيابة، وجلسة تحديد حصتك في الشركة الأسبوع الجاي والخبراء أثبتوا حقك بالكامل.
شريف كان واقف على بعد خطوات.. شكله اتغير تماماً. ذبلان، بدلت الماركات راحت، وندى السكرتيرة طبعاً سابته أول ما الفلوس شطبت والحسابات اتجمدت، وراحت تدور على باشمهندس تاني!
قرب شريف خطوة ناحية شيرين، وصوته كان مليان
شيرين.. هان عليكِ كل اللي بيننا؟ كل حاجة
عشان نزوة؟
شيرين بصتله بنفس الهدوء اللي بدأت بيه القصة.. الهدوء اللي كان بيجننه.
عدلت شنطتها على كتفها وقالتله
أنا مدمرتش حاجة يا شريف.. أنت اللي بعت بيت كامل وعشرة سنين عشان شوية صور في حفلة ورقصة على مسرح. أنا بس قفلت الموبايل وقمت نمت.. وأنت اللي صحيت لقيت نفسك خسړت كل حاجة.
مسكت إيد بنتها نور، ومشت بثبات في طريقها.. من غير ما تلتفت وراها ولا خطوة واحدة!




