وليد خرج من أوضته ووشه أصفر زي القماش القديم، واعترف وهو بيترعش إن ديونه مش بسبب مشاريع فاشلة ولا حاجة، لكنه كان متفق مع صايغ يشتري الغوايش ويكسرها يستخرج العقود، ويبيع الأرض لحسابه هو وأمه ويحرموني ويحرموا طارق من نصيبنا!
طالع طارق في أمه وأخوه بصدمة ووجع، وبصلي وأنا دموعي نازلة. في اللحظة دي، طارق أثبت إنه “السند” الحقيقي. وقف بكل قوة وصرخ في وشهم:
“بقى بتستغلوا طيبة مراتي وأمانة ست راحلة تحت التراب عشان تسرقوا حقها؟! الدهب ده مش هيلمسه حد، والأرض دي حق ريم بالقانون!”
طارق أخدني من إيدي وطلعنا شقتنا، وقفل الباب في وش الطمع والجشع. ثاني يوم، أخدنا الغوايش عند متخصص وبحضور محامي، واستخرجنا الأوراق القانونية سليمة مية في المية. اتثبت حقي الشرعي في نص الأرض اللي كانت قيمتها المادية تضمنلي حياه كريمة العمر كله.
طارق وقف لأخوه وليد بصرامة، وأجبره إنه يبيع عربيته ويتحمل مسؤلية أخطائه بنفسه ويرد ديونه بعيد عننا، وحماتي لما لقيت إن طمعها كان هيخسرها ابنها الكبير ويدخل ابنها الصغير المساءلة، اتراجعت وجت لحد باب شقتي تبكي وتطلب السماح.
بايعنا نصيبي في الأرض بسعر خيالي، وطارق صمم إن كل جنيه يتدخل في حسابي البنكي الخاص. اشترينا شقة واسعة وجميلة في حي هادي بعيد عن النفوس المريضة، وطارق فتح شركته الخاصة للمحاسبة واستقل بحياته.
وفي ليلة عيد جوازنا الأولى في بيتنا الجديد، دخل عليا طارق وهو ماسك علبة قطيفة حمرا صغيرة. فتحها، ولقيت الغوايش رجعت لأيدي بعد ما اتصلحت واتلمعت، وجنبها خاتم ألمظ رقيق.
مسك إيدي ولبسهالي وقال بحب وصدق:
“حقك وكرامتك خط أحمر يا ريم.. أمك الله يرحمها سابتلك السند في الدهب، وأنا هفضل سندك وأمانك طول العمر.”
حضنته ودموع الفرحة في عيني. اتأكدت إن الحق دايماً بيرجع لأصحابه، وإن الصبر والطيبة أصلهم خير، والبيت اللي بيتبني على الصدق والأمانة المودة فيه بتدوم للأبد.
#الكاتبه_نور_محمد
