مايا متهزتش، وبكل برود شاورت لسيرينا. في ثانية واحدة، المزيكا وقفت، والشاشات الكبيرة اللي في الكنيسة اللي كان المفروض تعرض صور لرحلة العروسين اشتغلت.
بس معترضتش صورهم. عرضت فيديو واضح جداً ومن كذا زاوية، لينه وهي بتتسحب جوه أوضة القياس ومعاها مقص، وبتقص خياطة الفستان بغل وهي بتضحك. الفيديو كان صوته واضح وهي بتقول لخالتها هياخد خمس خطوات، والضهر كله هيتفتح.
الكنيسة كلها سكتت سكوت قاتل. الصدمة كانت على وشوش الأربعمية ضيف.
أم مايا حطت إيدها على بقها مش مصدقة، وخالتها نزلت راسها في الأرض من الكسوف. أدريان بص للشاشة وعينه اسودت من الغضب، وبص لرجال الأمن بتوعه وإداهم إشارة بسيطة.
رئيس الأمن قرب من لينه وقالها بصوت صارم أتفضلي معايا من غير شوشرة.
جميع الروايات علي صفحة روايات رولا
لينه وهي بتجر ديل فستانها المقطوع وبتحاول تداري جسمها، خرجت بتعيط وتصرخ وهي حاسة بأكبر إهانة في حياتها، الإهانة اللي كانت مجهزاها لأختها، بس ردت في صدرها. أمها جيرت وراها وهي بتبص لمايا بنظرة لوم، بس مايا بصلتها بثبات ومتهزتش. لأول مرة، مايا حست إنها حرة من ذنب مكانش ذنبها.
أدريان مسك إيد مايا، وباسها قدام الكل. القسيس ابتسم وقال نرجع لموضوعنا؟
مايا هزت راسها وابتسمت، والمزيكا اشتغلت تاني، بس المرة دي كانت مزيكا حقيقية، صافية، ومن غير أي غدر مستخبي ورا البيبان.
