قال بصوت مكسور ومجهد مالك يا أم البنات؟ أنتي عيانة ولا إيه؟ وشك بقى شبه الميتين، والبيت ريحته غريبة بقالها كم يوم… فيكي إيه يا حبه عيني؟
قال وهو بيحاول يقرب مني برد إيه اللي يخلي ريحتك ووشك كدة؟ قومي معايا نروح للدكتور، أنا مبقاش ليا حيل لأي مصيبة تانية، الولد راح ومش حمل أفقدك أنتي كمان.
صرخت فيه بوفاء وخوف لا! مش هروح لدكاترة! سبني في حالي يا حاج، أنزل أنت الوكالة وشوف شغلك!
بصلي باستغراب وحزن، وهز رأسه ومشي. أول ما قفل الباب، وقعت على الأرض وأنا بمتص الصدمة. الريحة كانت زادت جداً، والقماش اللي ربطته على بطني بقى مبلول دم ومية خضرا لزجة. رفعت القماش بالراحة وأنا ببكي… ولقيت الكبرى.
الساعة كانت جات تلاتة بعد نص الليل، الصمت كان قاتل، والوجع بقى مش محتمل. حسيت بحركة سريعة جوه بطني، كأن حاجة بتقطع في مصاريني من جوه. ما قدرتش أستحمل، خرجت أتسحب على أطراف صوابعي ورحت لأوضة بناتي. فتحت الباب بالراحة وبصيت عليهم وهم
وفجأة… سمعت صوت صريخ جاي من الصالة!
جريت على بره وأنا بجر رجليا بالعافية. لقيت جوزي قاعد في الصالة ومسك راسه بين إيديه وبيصرخ. ضرتي خرجت من أوضتها هي كمان وهي مبهوتة.
جوزي كان باصص للأرض وبيقول برعب أحمد… أحمد واقف هناك! أحمد يناديني!
بصيت ناحية المكان اللي بيشاور عليه… مكنش فيه حد، بس ريحة اللي طالعة مني كانت مالية الصالة. ضرتي قربت مني وفجأة وقفت ومسكت مناخيرها وهي بتبص لبطني ورجليا.
في اللحظة دي، ضرتي صرخت صرخة هزت أركان البيت، ووقعت على الأرض وهي بتتفحص وشي. بصتلي وقالت بصوت مكسور ومصدوم أنتي… أنتي اللي عملتي في ابني؟ أنتي اللي قتلتيه؟!
أنا ملقيتش كلام أقوله. لساني اتربط، ودموعي كانت بتنزل بس من غير صوت. اعترفت بصمتي. اعترفت بهروبي وبنظراتي اللي كانت مليانة غل.
جوزي قام وقف زي المجنون، وشه تحول للون الأحمر، ومسكني من رقبتي وهو بيصرخ قتلتيه؟! قتلت حتة مني عشان الوكالة؟ عشان الفلوس؟! يا كافرة! يا ظالمة!
أنا مكنتش بقاوم، كنت حاسة إن كل منه هي جزء بسيط من العقاب اللي أستاهله. بس الوجع اللي في بطني كان أشد من إيده اللي خنقاني. في اللحظة دي، فتحة الصرة اتقطعت أكتر، وخرج منها سائل أسود بكثافة غريبة، ووقعت على الأرض وأنا بصرخ من ألم ميتوصفش.
جوزي سابني ورجع لورا وهو حاطط إيده على وشه من القرف والرعب، وضرتي قعدت في الزاوية تبكي وتدعي عليا ربنا يجعلك في كل خطوة جهنم! ربنا لا يسامحك ولا يرحمك يا شيخة!
بناتي صحوا على الصريخ وخرجوا من الأوضة. شافوا أبوهن بيصرخ، وأمهم مرمية على الأرض في وسط بقعة دم وسوائل سودا ريحتها ، وضرتي بتبكي بحرقة.
سارة جرت عليا وهي بتصرخ ماما! مالك يا ماما؟ إيه اللي بيحصل هنا؟!
صرخت فيها بأعلى صوت فاضل فيا ابعدي عني يا سارة! أوعي تقربيلي يا الأسود!
فضلت مرمية على أرض الصالة، مش قادرة أتحرك. السائل الأسود كان بيخرج من جسمي بغزارة، وحسيت كأن روحي بتتطلب بالبطيء، مش . كل حلي ودبشي ودهبي اللي حوشته طول عمري مكنش ليه أي قيمة. الوكالة والعمارة والأرض اللي كنت خايفة عليهم يروحوا من بناتي، بقوا مجرد تراب. خسرت جوزي، وخسرت بناتي، وخسرت دنيتي وأخرتي… عشان خاطر الغيرة والغل.
دلوقتي، أنا قاعدة في ظلمة الأوضة، الوجع بيقطع في أحشائي، والريحة بقت ملازماني كأنها كفني. بكتب الكلمات دي بإيد بتترعش، وكل نقطة دم بتنزل مني بتفكرني إن ربنا عادل، وإن الظلم ظلمات يوم القيامة.
