بقل
في اللحظة دي، “أحمد” وشه جاب ألوان.. من الصدمة للغضب، وبعدين لكسوف مكــ..ـسور ببرود. مكنش مصدق إن أمه – اللي المفروض “سنده” – هي اللي بتفتح لمراته باب الخروج من تحت
طوعه.
بص لي بغضب مكتوم وقالي: “إنتي بتأوميها عليا يا أمي؟ جاية تهدي بيتي بدل ما تنصحيها بالصبر؟”
بصيت له بكل هدوء.. الهدوء اللي بيخوف، وقولت له:
“أنا اللي نصحتها بالصبر هي اللي علمتني يعني إيه أصل طيب.. لكن أنت يا ابني، أنت اللي هديت البيت يوم ما اعتبرت “نهى” حتة من العفش، يوم ما نسيت إنها بني آدمة ليها طاقة ولها حق عليك.”
أحمد حاول يبرر: “بس أنا بشتغل وتعبان طول النهار عشانهم!”
رديت عليه والكلمات خارجة زي الرصاص:
“وهي كمان بتشتغل.. بتشتغل 24 ساعة في اليوم، من غير إجازات، من غير مرتب، ومن غير كلمة شكراً. الفرق بينك وبينها إنك لما بترجع بتقلع تعبك على الباب وتمدد، لكن هي تعبها بيبدأ من قبل الفجر ومش بينتهي حتى وهي نايمة.”
بصيت لـ “نهى” وقولت لها: “قرارك في إيدك يا بنتي.. الشركة مستنياكي، والعقد جاهز، والعيال في رقبتي أنا قبل رقبتك.”
نهاية الانكسار.. وــ..ـبداية الروح
نهى في اليوم ده مخدتش قرارها بالعاطفة.
. خدته بكرامتها اللي كانت بتنزــ..ـف. وافقت على الشغل.
أول أسبوع كان صعب.. “أحمد” كان عامل زي العيل التايه، مش عارف يغسل شراب ولا يسكت عيل بيعيط. كان فاكر إنها “نزوة” وهترجع، بس لما شافها كل يوم الصبح بتلبس وتنزل وهي واثقة في نفسها، وشها رد فيه الروح، وعينيها لمعت من تاني.. بدأ يحس بالخطر.
بدأ يحس إن “الكنز” اللي كان معاه وبيهينه، ممكن يضيع من إيده فعلاً.
بعد شهرين.. روحت لهم البيت.
المنظر كان مختلف تماماً.. “أحمد” مكنش ممدد على الكنبة. كان واقف في المطبخ بيجهز عشا خفيف للعيال، ونهى قاعدة بتراجع حسابات الشركة على اللابتوب بتاعها.
أحمد بص لي وابتسم بكــ..ـسرة خفيفة وقالي: “تصدقي يا أمي.. أنا مكنتش شايف؟ مكنتش عارف إن البيت ده شايل جبال أنا مكنتش أقدر أشيل ربعها لوحدي.”
مــ..ـت
نهى مقــتلتش أنوثتها عشان تثبت إنها “بنت
بنوت”. ولا صغرت في السن بالمعجزات. نهى رجعت “هوانم” لما لقت اللي يقدرها، لما لقت اللي يقول لها “تعبك على راسي”.
أحمد اتعلم الدرس الصعب.. اتعلم إن الست مش بـ “تتخن وتكبر” من الفراغ، دي بتدبل لما الراجل اللي معاها يقطــ..ـع عنها مية الاهتمام.
والأم؟ الأم مكنتش “حما” قاســ..ـية.. كانت “ست” عارفة إن الحق أحق أن يُتبع، حتى لو كان الحق ده ضد ابنها. عشان في الآخر، هي مش بس بتربي ابنها.. هي بتنقذ “رجل” كان ممكن يضيع في سكة الظلـم، وبتنقذ “عيلة” كانت هتتــ..ـهد بسبب كلمة “جارحة” اتقالت في ساعة غرور.
الست مابتكبرش بالسنين.. الست بتكبر بالإهــ..ـمال، وبترجع تصغر بالحب والتقدير.
تمت…
