أهلي ميعرفوش إني أنا اللي دفعت 2 مليون دولار ل ؟
أهلي ميعرفوش إني أنا اللي دفعت 2 مليون دولار مصاريف فرح أختي على جزيرتي الخاصة، ومفهمينهم إن العريس هو اللي غني.. في نص الفرح بنتي الصغيرة داست غصب عنها على فستان أختي، أختي زقتها وقعتها من ارتفاع مترين، ولما جيت أطلب الإسعاف أمي ضربتني بالقلم وقالت لي بلاش غيرة وحقد وبطلي تبوظي ليلة
أختك يا فاشلة!.. وفي اللحظة دي جدي كان بيضرب بنتي وهي غرقانة في دمها ويقول لها قومي وبطلي تمثيل!.. في اللحظة دي رفعت سماعة التليفون وقلت كلمة واحدة الغوا الفرح وخرجوا الكلاب دول بره ممتلكاتي!
الجو في المالديف مكنش مجرد حرارة، دي كانت ريحة الفلوس اللي مالية المكان. كنت واقفة في الظل وببص لأهلي وهما عايشين في عز مكنوش يحلموا بيه، وفاكرين إن إياد خطيب أختي الفرفور هو اللي دافع الملايين دي كلها.
أمي بصت لي باحتقار وقالت لي يا نسرين! بلاش تقفي زي الصنم كدة، بوظتي المنظر بفقرك ده! بصي لنفسك.. عندك 30 سنة وأم عزباء وشغالة محاسبة غلبانة، لولا إن أختك سارة صعبتي عليها مكنتش ضيعت فيكي تمن تذكرة الطيران!
وأبويا كمل عليها اتعلمي من أختك.. عرفت تصطاد سمكة كبيرة دفع 2 مليون دولار عشان يأجر الجزيرة دي.. دي الطبقات اللي عمرك ما هتحلمي تلمسيها!
المصيبة بدأت لما بنتي ليلى اتكعبلت غصب عنها في ديل فستان سارة الطويل.. سمعنا صوت تشق الفستان، وكأس النبيذ اللي في إيد سارة اتقلب على الدانتيل الغالي. سارة وشها اتحول لوحش وزقت البنت في صدرها وهي بتصرخ يا جربوعة! أنتِ عارفة الفستان ده بكام؟ أنتِ وأمك
تشتغلوا طول عمركم وم تجيبوش تمن زرار فيه!
الزقة طيرت ليلى من فوق السور الخشب ووقعت على الصخور اللي تحت.. صرختها زلزلت كياني. جريت أشوفها لقيتها غرقانة في دمها، صرخت حد يطلب الإسعاف بنتي بتموت!
أمي كتمت صوتي وهسست في ودني اسكتي يا نسرين!
بطلي دراما عشان تشدي الانتباه.. بنتك كويسة، بصي الفستان باظ إزاي! أنتِ نحس، اطلعي بره قبل ما المعازيم يشوفوا القرف ده!
