لما رجعت، كان رامي ماسك الورقة كأنها
اتكلمي! حماتي قعدت على الكنبة، والطرحة البيضا وقعت من على راسها.. الست اللي كانت ممشية البيت بالمسطرة والذنب والصمت.. الست اللي كانت بتعد ورايا بهارات الأكل وتقولي العباية دي ضيقة وشرفنا غالي.. شرفها دلوقتي قعد في بطنها وبيطلب حساب!
همست أبوك ممتش.
وش رامي فضي من التعبير، وأنا سندت على ظهر الكرسي عشان مأقعش.
رامي سألها سابنا وهرب؟
هزت راسها
لأ.. أنا اللي طردته وقولتله مالكش عيش هنا. الصالة اتكتمت.. إيه؟!
بصت للحاج محمود اللي صورته قزازها اتكسر على الأرض
أبوك مكنش راجل طيب يا رامي.. إنت عبدت صورته لأن أنا اللي عملتله مقام في خيالك.. صنعتلك أب بطل لأن الأب الحي كان قذارة وميتعاشرش!
أنا أول مرة في حياتي أسمعها بتتكلم كده.. مكنتش بتتكلم بغل، دي كانت بتقول حقائق ناشفة.
رامي رجع لورا أبويا كان راجل ليه هيبته واحترامه وسط الناس!
أبوك كان وكداب ! باع دهبي كله وإنت عندك خمس سنين.. استلف بضمان اسمي…. ولما كنت بفتح بقي كان في حتت يداريها قميص مدرستك عشان صحابك ميتعيروش بيا!
بق رامي اتفتح من لأ..
آه يا رامي.
لأ! صرخ بأعلى صوته.. إنتي قولتيلي إنه وهو بيحبنا وفخور بيك!
قولت لعيل صغير اللي يخليه يكبر سوي وميتعقدش!
ودلوقتي؟ شاور على بطنها.. وإيه ده؟ ده برضه عشان نكبر سويين؟!
قامت قافلة عينيها وقالت بصوت مكسور
كنت وحيدة. الجملة نزلت زي الحجر.. جملة فيها ضعف وخطورة في نفس الوقت. حدق فيها رامي
وقابلتيه تاني؟
رجعلي من سنتين.
سنتين؟! صوته انشرخ.. بقالك سنتين بتقابليه من ورايا؟
كان عيان.. وحاله يصعب على الكافر.. وقال إنه تاب واتغير.
رامي مسك شعره بإيديه الاتنين
وخليتيه يقرب من ابني وزياد؟ اتنفضت وقالت عمره ما آذاه!
خليتيه يلمس ابني يا أمي!
ده جده يا رامي..
ده راجل إنتي قولتيلي إنه شبع !
دي هزتها فنهارت وعيطت في إيديها
أنا غلطت.. غلطت. بصيت للاختبار اللي على الترابيزة وقولت بصوت واطي
لأ يا ماما.. الغلطة دي لما تنسي تحطي ملح في الطبيخ.. إنما دي حياة تانية كاملة موازية لحياتنا! وشها اتلوى من الكسوف.
وفجأة رامي لف وبصلي.. عيناه اتغيرت.. النظرة دي مش ليها، دي ليا أنا!
نيرمين.. إنتي اللي لقيتي البتاع ده الأول؟
آه.
ومقولتليش؟ نفسي اتكتم.. أهو.. ده الفعل المنعكس الجاهز في مجتمعنا؛ لما الحصيرة تترفع والحقيقة تبان، دور على أقرب ست ولمها على التوقيت!
بصيت في عينيه وقولت
أنا سألتها، وهي حبت على رجلي مقولكش لغاية ما نشوف دكتور ونفهم.
يعني كنتي بتداري عليها؟ زعقت فيه
أنا كنت بحاول أفهم الست اللي عندها 52 سنة دي حامل بجد، ولا عيانة، ولا في فوق دماغها!
رمى الورقة على الترابيزة
وفهمتي إيه؟
فهمت إن كل واحد في البيت ده أستاذ في الاستغماية.. ومحدش بيعملي حساب! رجع لورا كأنه اتصفع.. ودي الحقيقة، حماتي خبت جوز حي، ورامي خبى غضبه ورا الطاعة العمياء، وأنا خبأت قرفي لسنوات تحت شعار أنا زوجة ابن أصيلة وبستحمل.
وفجأة.. جرس الباب رن.
الجزء الرابع الشبح على الباب
لفينا احنا التلاتة.. الجرس رن تاني.. وش حماتي بقى زي قشرة الرأس الرمادية وهمست بلاش.. متفتحش.
رامي بص لها هو؟
مردتش.
التر لثالث مرة رن.. زياد فتح باب الأوضة ماما في حد بره؟
زعقت جوه يا زياد! الخوف اللي في صوتي خلى الواد يعيط ويدخل.
رامي مشي بخطوات تقيلة وفتح الباب.
كان واقف بره.. راجل عجوز، أكبر من الصورة بكتير بس ملامحه هي هي.. شعر شايب، خدود واقعة، جلابية بيضاء، وعينين كوبي بيست من عيون رامي..
الحاج محمود فريد.. الحي.. الزوج.. الأب.. الجد.. والسبب في إن كل حيطة في بيتي بقت حساها مش نضيفة!
رامي مكنش بيتحرك.. محمود ابتسم، مش ابتسامة حب، دي ابتسامة ثعلب حذر
يا رامي.. يا بني. وفجأة.. رامي هبده في وشه! الموضوع حصل بسرعة لدرجة إني م صرختش إلا لما محمود وقع لورا وسند على الحيطة.. زياد بدأ يصوت من جوة الأوضة. محمود مسح اللي نازل من شفته وبص لحماتي من فوق كتف رامي
إنتي قولتيله؟
