حماتي ل رضوي السيد
تحولت الغرفة في ثوانٍ إلى ساحة من الجنون. الحاجة أمينة بدأت تصرخ وتلطم وجهها، متناسية وقارها الزائف
يا مصيبتي! يا فضيحتي وسط الناس! هتموتيني يا مروة؟ بقى بتبخلي عليا بحتة لحمة من جسمك؟ يا قاسية يا جاحدة!
التفتُّ إليها ونظرت في عينيها مباشرة، وقلت بنبرة تقطر حزماً
حتة اللحمة دي اللي سميتيها ريحة أرياف لما أمي جابتهالك ودلقتيها في الحوض! فاكرة؟ فاكرة لما وجعتي قلب أمي وكسرتي خاطرها؟ يومها أنا حلفت إني هاخد حق دموعها. والنهاردة ربنا ردلها اعتبارها. جسمي المحرم عليكي هو اللي كنتي هتعيشي بيه. دلوقتي خليهم يشوفولك متبرع بفلوس دنيا وباباها المستثمر الكبير.
أحمد حاول الإمساك بكتفي، وصوته يرتجف بالرجاء الكاذب
مروة… أرجوكي، خلينا نتفاهم. أنا كنت غبي، الشيطان وزني. دنيا دي مجرد مصلحة عشان نكبر الشغل… أنا بحبك إنتِ، إحنا عشرة كفاح وتعب!
رفعت يدي في وجهه أمنعه من الاقتراب
إياك تلمسني! عشرة كفاح؟ إنت كنت بتعتبرني آلة بتشتغل ببلاش. عشر سنين وأنا بشيل كراتين في شبرا الخيمة، وبظبطلك الحسابات، وبسهر للفجر أخلص الفواتير عشان جنابك تروح تلبس ساعات غالية وتدفع فواتير أوتيلات ل دنيا من ورايا! أنا مش بس سحبت كليتي يا أحمد… أنا سحبت حياتي كلها من طريقك.
أخرجت من حقيبتي ملفاً يحتوي على صور ضوئية لكل التحويلات البنكية التي قمت بنسخها في الليلة السابقة، ورميتها على وجهه لتتناثر الأوراق على أمه والأرض
دي صور التحويلات للشركة الوهمية اللي في التجمع. ودي فواتير الأوتيل والمجوهرات. كل فلس سرقته من الشغل اللي بنيته معاك بدمي وصحتي موثق هنا. من الصبح، المحامي بتاعي بيرفع قضية فرض حراسة على الشركة وقضية طلاق للضرر مع طلب تعويض كامل عن كل سنين الشغل بدون أجر.
أحمد تراجع للخلف، وقد سقط القناع تماماً عن وجهه ليظهر الرجل الأناني الذليل
