روايات وقصص

نقطة تحول: من الرماد إلى القمة حكـايات ضحي

منى! اتلمي واعقلي! إيه طريقة الكلام دي مع أمي؟ أنتِ اټجننتي ولا إيه؟ اتأسفي لأمي فورًا!
منى كانت بتترعش. الدموع اللي كانت حابساها في عينيها طول اليوم بدأت تنزل سخنة على خدودها، بس المرة دي ما كانتش دموع ضعف… كانت دموع قهر وڠضب اڼفجر.
بصت لأحمد بجمود، وبعدين بصت لحماتها.
ياسين بدأ يعيط بصوت عالي تاني كأنه حاسس پالنار اللي شعللت بين أبوه وأمه.
منى قربت من سرير الأطفال، جابت الشنطة، حطت فيها حاجات الولد بسرعة، ولفت لأحمد وقالت بحدة وصوت ثابت بالرغم من الدموع
أتأسف؟ أتأسف على إيه يا أحمد؟ على إني جيت هنا من الصبح وهنت نفسي عشان أرضيك؟ ولا على إن أختك الموظفة الهانم قاعدالك في التكييف ومش فاضية تنضف شقة أمها، وأنا عشان قاعدة بربي ابنك وبراعيه بقيت الفاضية ؟

أختي بتشتغل وتعبانة في شغلها!
وأنا كنت بشتغل! أقسم بالله أنا كنت بشتغل وأحسن منك ومن أختك! كنت بشتغل في مكان نضيف، والناس كانت بتقف بالدور عشان أعملهم شغل، وكانت كلمتي لها احترامها! أنا اللي قعدت في البيت عشان خاطر ابنك! عشان أصونه وأربيه! تقوم أنت وأمك تعايروني باللقمة اللي باكلها وبالقعدة في البيت؟
أم أحمد قامت وقفت، وقالت بصوت عالٍ
! ب Freely بتعلي صوتها عليك في بيتي وفي وشي! هي دي الأصول اللي تربيتي عليها يا أحمد؟
أحمد مسك دراع منى بضغط
وطي صوتك يا منى واهدي بدل ما نتصرف تصرف مش هيعجبك! ادخلي كملي اللي في إيدك واعتذري لأمي، واليوم ده يعدي على خير!
منى شدت دراعها منه بقوة، وبصت له في عينيه مباشرة، عيونها كانت بتلمع بالتحدي والۏجع
لا يا أحمد… مش هيعدي. ومش هكمل حاجة.
نزلت ياسين بالراحة في عربيتة، وثبتت المريلة بتاعته، وبصت لحماتها وقالت كلمة واحدة، بصوت طالع من قاع قلبها المكسور
الكلمة نزلت زي الصاعقة في الشقة. أم أحمد اتسمرت مكانها، وأحمد فتح بقوه ومش مصدق إن منى اللي طول عمرها هادية وساكتة وبتعدي، هي اللي بتقول الكلام ده ودلوقتي بالذات.
منى مسكت يد العربية بتاعة ياسين، وشالت الشنطة على كاتفها، ولفت وشها للباب.
أحمد جرى وراها ومسك إيدها قبل ما تفتح الباب
أنتِ رايحة فين؟ أنتِ فاكرة نفسك لو خرجتي من الباب ده بالطريقة دي هتعدي بالساهل؟ لو مشيتي دلوقتي يا منى… ما ترجعيش البيت!
منى وقفت، لفت بصت له بصة أول مرة يلمحها في عينيها… بصة واحد قرفان، بايع، وما بقاش فارق معاه أي حاجة في الدنيا.
سحبت إيدها من إيده ببطء وقسۏة وقالت
البيت اللي يهين كرامتي ويخليني … ما يلزمنيش أرجلعه تاني يا أحمد.
فتحت الباب، وخرجت للممر.
كانت الخطوات ثقيلة، وصوت عجل العربية على البلاط كان بيرن في العمارة كلها. نزلت السلم وهي شايلة العربية بيد والشنطة والولد بالإيد التانية، كل خطوة كانت بتحس فيها إن فيه حاجة جواها انكسرت ومش هترجع زي الأول أبداً.
أول ما خرجت للشارع، الهوا الساقع خبط في وشها. ياسين سكت فجأة وكأنه ارتاح من كتمة الشقة وريحة الدهان.
منى وقفت على الرصيف، حاطة إيدها على قلبها اللي كان بيدق بسرعة چنونية. التليفون في جيبها بدأ يرن…
بصت في الشاشة.
كان اسم أحمد.
وفوقيه رسالة من أخت جوزها سمر كاتبة فيها إيه اللي عملتيه مع أمي ده يا محترمة؟
منى مسحت دموعها بإيدها الترابة، وبصت للشارع الطويل اللي قدامها. ما كانتش عارفة تروح فين… تروح لبيت أهلها بالولد وفي الوقت ده؟ ولا ترجع شقتها وتقفل على نفسها؟ ولا تروح في حتة محدش يعرفها فيها؟
سحبت نفس عميق، وكنسلت المكالمة…

وقفت منى على أول الشارع، الشايلا ياسين على دراعها بعد ما رفض يقعد في العربية من كتر العياط. الشارع كان زحمة، صوت العربيات والناس بيتدخل في أذنها كأنه طنين ملوش نهاية.
التليفون في إيدها ما بطلش زن. مكالمات ورا مكالمات من أحمد، ورسايل نازلة زي المطر من أخته سمر
إنتِ فاكرة نفسك مين عشان تعاملي أمي كدة؟
أحمد لو راجل مش هيدخلك بيته تاني!
منى كانت بتبص للرسائل وعينيها بتغلي. مسحت الشاشة بصباعها وقفلت التليفون خالص. الصوت المكتوم اللي جواها كان بيقولها إن المرة دي مفيش رجوع، ومفيش طأطأة راس.
شالت ياسين، ومسكت يد العربية بإيدها التانية، ومشت خطوات بطيئة ناحية الموقف.
كانت محتارة… تروح فين؟
بيت أهلها؟ أبوه راجل كبير ومريض سكر، وأمها ست على باب الله، لو راحتلهم بالشكل ده والولد بيعيط وهدومها مليانة تراب ودهان، هيتخضوا والضغط هيعلى عليهم. هي عارفة إن أمها هتقولها معلش يا بنتي استحملي عشان بيتك وعيلك، وده بالذات الكلام اللي مش قادرة تسمعه دلوقتي. هي مش محتاجة حد يقولها استحملي الإهانة، هي محتاجة حد يفهم إن كرامتها اتداست.
افتكرت نورا… صاحبتها وحبيبتها من أيام شغل البيوتي سنتر.
نورا كانت الشغالة معاها، والوحيدة اللي فاهمة يعنى إيه منى، وفاهمة قيمتها وشغلها. مسكت التليفون فتحته بسرعة من غير ما تبص على رسائل أحمد، وطلبت رقم نورا.
ألو… إيه يا منى؟
صوت نورا طلع دافي ومنعش، عكس كل القرف اللي منى عايشة فيه من الصبح.
نورا… إنتِ فين؟
نورا حسّت بالرعشة في صوت منى وقالت بلهفة
مالك يا منى؟ صوتك فيه إيه؟ ياسين جرى له حاجة؟
لا… أنا في الشارع… ومحتاجة أجيعد عندك شوية لو ينفع.
تنفع إيه يا هبلة! إنتِ فين؟ أنا في الشقة لوحدي، تعالي فوراً!
بعد نص ساعة…
منى كانت قاعدة على الكنبة في صالة نورا.
نورا جابت مية دافية ونضفت وش ياسين وإيديه، وأكلته بسكويت باللبن لحد ما الولد هدي ونام في حضنها على السرير جوه.
خرجت نورا، وحطت قدام منى كوباية ينسون سخنة، وبصت لإيديها المحمرة والجلد القاشر من المنظفات.
فهميني بقى… إيه اللي حصل؟ إيه اللي وصلك للحالة دي؟ ده إنتِ كأنك كنتِ في حفرة!
منى مسكت كوباية الينسون بإيديها المترعشة، والدموع بدأت تنزل بسكوت. حكت لها كل حاجة… من أول ما أحمد كلمها وهو بيأمرها تروح تنضف، لحد كلام حماتها، وتطنيش أخته، ومعايرة جوزها ليها بقعدتها في البيت، لحد اللحظة اللي طفح بيها الكيل وقالت فيها كلمتها المدوية ومشيت.
نورا فضلت ساكتة، وعينيها بتوسع من الصدمة والڠضب.
أول ما منى خلصت، نورا ضړبت كف بكف وقالت بصوت طالع من قعر قلبها
يا نهار أسود ومندل! بقى أحمد اللي كان بيجي يقف تحت السنتر بالساعات يستناكي ويهادينا كلنا عشان نرضى عنه، يوصل بيه الحال يقولك إنتِ قاعدالك ومكيفة نفسك؟! وأمه اللي كانت بتتحايل عليكي عشان تعمليلها شعرها في الخطوبة ببلاش،؟
أنا مش زعلانة منهم يا نورا… أنا زعلانة من نفسي. زعلانة إني أهنت نفسي وسكت من الأول. من يوم ما قعدت في البيت مع ياسين، وأنا كل يوم بتمسح بيا الأرض بحجة إني مش بشتغل! كأن التربية والسهر والتعب ده كله ملوش قيمة!
نورا قربت منها ومسكت إيدها المحروقة من الصابون
قيمة إيه يا هبلة! إنتِ نسيتي إنتِ مين؟ إنتِ منى اللي كانت زباين الخليج وفنانات الأوبرا بيطلبوا اسمك بالاسم! إنتِ اللي يدك بتتلف في حرير! قعدتك في البيت عشان ابنك دي

حماتها وهي بتقولها إنتِ فاضية وقاعدة في البيت. بس مع كل فركة عين، كانت بتبص لياسين اللي نايم جنبها بسلام، وتنفسه المنتظم كان بيملاها قوة وتحدي.
قامت، غسلت وشها بمية باردة، ووقفت قدام المراية.
لمت شعرها بأسلوب أنيق، وحطت ميك أب خفيف بلمستها الاحترافية اللي كانت متميزة بيها. ملامح التعب القاسېة اللي كانت على وشها إمبارح اختفت، وحل محلها النور بتاع الست اللي قررت تأخد حقها بدراعها.
خرجت الصالة، لقت نورا حضرت الفطار وكوبايتين الشاي باللبن.
صباح الفل يا معلمة! إيه الحلاوة دي؟ ده أنتِ اللي هتعملي أنترفيو لصاحب السنتر مش هو اللي هيعملك!
منى ابتسمت ابتسامة هادية وهي بتقعد
صباح النور يا نورا. أنا جاهزة… جاهزة أرجع منى بتاعة زمان، بس بأنياب المرة دي.
هو ده المطلوب! أستاذ شريف صاحب السنتر مستنينا الساعة عشرة بالظبط. والواد ياسين أنا كلمت جارتي أم حسين، ست زي العسل وهتقعد بيه الساعتين دول وهتاخد بالها منه في شقتها اللي قصادي لحد ما نرجع.
في نفس الوقت… وفي شقة أحمد.
أحمد قام من النوم وجسمه كله مكسر. منامش ساعة على بعضها.
خرج الصالة… الشقة كانت كئيبة وباردة. مفيش ريحة طعمية سخنة أو فول بالزيت الحار اللي منى كانت بتعمله كل يوم الصبح. مفيش الشاي المظبوط اللي كان بيلاقيه جاهز أول ما يفتح عينه.
ياسين مش موجود، ومفيش صوته وهو بيغني بلغة الأطفال اللي ميفهمهاش غير أمه.
مسك الموبايل بصعوبة، وفتح الواتساب… كان لسه معمول له بلوك. طلب رقمها تاني، الجرس يرن لحد ما يقطع.
نفخ بضيق، ولبس هدومه ونزل لشقة أمه في الدور التالت.
أول ما فتحت له أمه الباب، لقى الشقة لسه في نفس فوضتها بتاعة إمبارح. البقع والتراب في كل مكان.
أمال فين سمر يا أمي؟
أم أحمد كانت قاعدة على الكنبة ولافة راسها بطرحة
اختك نزلت شغلها يا حبيبي من الساعة تمانية. هو الموظف يقدر يتأخر؟
وشقة حضرتك؟ مين هينضف دي؟
أم أحمد نفخت بزعل
ما أنت شايف ضهري يابني! أنا مش قادرة أمد إيدي على حاجة. كنت فاكرة المحترمة مراتك هي اللي هتسترنا وتنضف الشقة قبل ما حد يجي يباركلي على التشطيب! بس أقول إيه… المتربية سابتنا ومشيت!
أحمد قعد على الكرسي وحط إيده على وشه

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى