Uncategorized

سر بنت جوزي حكايات نور محمد

كانوا موجودين. البيت كان مليان ناس، والكل قاعد بيضحك ويهزر.
وطبعاً، حماتي مقدرتش تفوت الفرصة كالعادة. في عز ما الناس قاعدة، بصتلي وقالت بصوت عالي عشان الكل يسمع
أخوكي محمود مراته حامل في التالت يا طارق… عقبال ما نفرح بيك يا حبيبي وتتجوز اللي تجيبلك حتة عيل من صلبك يشيل اسمك، بدل ما إنت عايش تربي في عيال الناس وتصرف على أرض بور.
أمي اتكسفت ووشها جاب ألوان، وأخويا كان هيقوم يتخانق، بس أنا مسكت إيده، وقمت وقفت في نص الصالة.
الابتسامة اللي كنت رسماها على وشي اختفت، وظهر مكانها وش تاني مرعب، وش الست اللي انداست وانقهرت وقررت تحرق الأخضر واليابس.
قلت بصوت عالي، هادي، بس بيقطع زي السيف
عندك حق يا حماتي… طارق فعلاً محتاج حد يشيل اسمه. بس المشكلة إن طارق… شال اسمه من زمان أوي، ومن غير ما يقولكم.
الكل سكت، والعيون كلها اتعلقت بيا. طارق وشه جاب ألوان، وقام وقف بسرعة وقال بارتباك إنتي بتقولي إيه يا ندى؟ ادخلي جوه، إنتي أعصابك تعبانة.
لا أنا مش تعبانة يا طارق… أنا فقت. فقت من غيبوبة استمرت 8 سنين!
مديت إيدي في شنطتي، وطلعت رزمة ورق متصورة يجي 20 نسخة. وبدأت أوزعها على أعمامه، وأمه، وأخويا.
دي شهادة ميلاد حور يا جماعة… بصوا كده في خانة الأب. الأب طارق محمود العزازي. والأم مها عبد الرحمن… بنت خالتي الله يرحمها!
الشهقة اللي طلعت من حماتي زلزلت البيت. أعمامه كانوا بيبصوا للورق ومبرقين كأنهم بيقروا طلاسم.
طارق صرخ زي المجنون وهجم عليا عشان ياخد الورق إنتي مجنونة! الورق ده مزور!
بس أخويا مسكه وضربه بالبوكس وقعه على الأرض، ووقف فوقيه يحميني.
كملت كلامي وصوتي بيعلى أكتر، والدموع اللي كنت حابساها سنين بدأت تنزل بس دموع قوة مش ضعف
الورقة التانية اللي معاكم دي، تحاليل طارق الأصلية اللي بتثبت إنه بيخلف وزي الفل… والتحاليل المزورة اللي كان عاملها عشان يوهمني إنه عقيم، عشان يقفل باب الخلفة معايا، ويخليني أشيل أنا الليلة قدامكم، وتعايروني ليل ونهار إني أرض بور، وأنا سليمة ومفياش أي حاجة! كل ده عشان يداري على جوازه العرفي، وبعدين الرسمي من بنت خالتي في شقتها اللي اشتراها من فلوس قروض واختلاسات!
حماتي حطت إيدها على قلبها، ووقعت على الكرسي وهي بتنهج ومش قادرة تتنفس، وبتبص لابنها اللي كان بالنسبة لها ملاك نازل من السما
يا كداب؟ يا خاين؟ تخليتني أظلم الغلبانة دي سنين وأشيل ذنبها وأدعي عليها، وإنت اللي كنت بتخلف من ورايا وعامل فيها مكسور؟
طارق كان على الأرض، بيحاول يلاقي أي مبرر، عينيه بتزوغ في كل حتة
يا جماعة اسمعوني… هي السبب! هي اللي كانت نكدية… أنا كنت بحب مها!
بتحب مها؟! صرخت فيها بأعلى صوتي… عشان كده اختلست من فلوس شركتك عشان تشتريلها شقة وتصرف عليها؟ وعشان كده زورت توكيل وبصلت شقتي باسمك وخدت بيها قروض وسيبتني مديونة؟
في اللحظة دي، جرس الباب رن بصوت مزعج.
أخويا راح فتح، ودخل ضابط شرطة ومعاه قوة.
الضابط بص لطارق اللي مرمي على الأرض وقال
طارق محمود العزازي؟ مطلوب القبض عليك بتهمة التزوير في محررات رسمية، واختلاس أموال من شركة المقاولات اللي بتشتغل فيها، بناءً على البلاغ المقدم من رئيس مجلس الإدارة.
الورق اللي المحامي بتاعي قدمه للشركة كشف كل ألاعيبه، والشركة مكدبتش خبر ورفعت قضية فورية.
طارق اتكلبش في ثواني. وقبل ما العساكر يشيروه لبره، وقفت قدامه، وطلعت ورقة أخيرة من شنطتي… تنازل رسمي عن حضانة حور ليا، وتنازل عن أي حق ليه في الشقة اللي إحنا فيها.
قلتله بصوت واطي ومخيف
امضي دي يا طارق… لو ممضيتش، أقسم بالله لأقدم بلاغات التزوير في التحاليل الطبية والتوكيلات المضروبة، وهخلي سجنك بدل ما هو 5 سنين اختلاس، يبقى 15 سنة تزوير و نصب. البنت دي بنتي أنا… أنا اللي سهرت وربيت، مش الأب الخاين اللي رماها ولا الأم اللي خانتني. امضي!
من رعبه وصدمته، ومن خوفه من الفضايح اللي كترت عليه، مضى على الورق

وهو بيترعش. العساكر شدوه لبره، والبيت فضي من كل الناس ما عدا أمي وأخويا، وحماتي اللي كانت منهارة على الأرض بتعيط وتلطم على ابنها اللي ضاع وعلى ظلمها ليا.
بصيت لحماتي، وقلتلها بكل هدوء الدنيا
أنا مسامحاكي يا حماتي على كل كلمة قلتيها في حقي… بس اللي مش هسامح فيه، هو إنك ربيتي راجل بالشكل ده. برا بيتي لو سمحتي، وورقة طلاقي توصلني بكرة الصبح.
بعد مرور ٣ سنين…
وقفت في بلكونة شقتي، نفس الشقة اللي رجعتها باسمي وطردت منها كل ذكرياته السوداء. كنت

ماسكة فنجان القهوة بتاعي، وببص على حور اللي بقت عروسة صغيرة عندها 8 سنين، قاعدة بتلعب مع أخوها الصغير ياسين اللي بيمشي على الأرض لسه بيتعلم الخطوات الأولى.
أيوه… ياسين ابني! من صلبي ومن رحمي.
بعد ما اطلقت من طارق، ربنا عوضني ب أحمد، محترم، متدين، عرف قصتي كلها من المحامي بتاعي اللي طلع خاله، وطلب إيدي. اتجوزني، واحتوى حور كأنها بنته بالضبط. وبعد جوازنا بشهرين بس… اكتشفت إني حامل. الدكتور وقتها قالي إني سليمة 100 ومكنش فيه أي تأخير غير حكمة ربنا عشان يرزقني في الوقت الصح، ومع الراجل الصح.
طارق لسه في السجن، بيقضي عقوبة 7 سنين في قضايا الاختلاس والتزوير. أمه ماتت من القهر عليه بعد ما دخل السجن بسنة.
بصيت للسما، وابتسمت من قلبي. أخدت نفس عميق، وضميت ياسين لحضني، وحور جريت عليا حضنتني من الناحية التانية وقالتلي بحبك أوي يا ماما ندى.
ربنا كبير أوي… يمهل ولا يهمل. بياخد مننا حاجات، عشان يعوضنا بالأجمل والأحسن. خلاني أعيش 8 سنين في قهر وظلم، عشان في النهاية يرزقني ببنت زي الملاك تكون هي سندي في الحياة، ويرزقني بزوج صالح وابن من صلبي يكملوا فرحتي.
عمر الأمومة ما كانت مجرد حمل وولادة… الأمومة هي حضن دافي، وسهر، وحب بدون مقابل. وحور هتفضل دايماً بنتي البكرية… اللي القدر جابها ليا من وسط العتمة، عشان تنور حياتي للأبد.
تمت…
الكاتبه_نور_محمد
النهاية جبرت بخاطر ندى الحمد لله… ربنا مبيسبش حق حد مظلوم! إيه رأيكم في نهاية طارق وحماته؟ ومين فيكم اتوقع إن مها هي اللي تطلع الأم؟

“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى