Uncategorized

سر بنت جوزي حكايات نور محمد

والسر كان هيموت معاها، لولا إني معرفتش أربي حور لوحدي، ومكنش فيه حد أأمن منك أرميلها البنت تربيها، خصوصاً إنك محرومة من الأمومة وهتعتبريها بنتك. إنتي دلوقتي قدامك حلين مالهمش تالت… يا تقفلي بوقك وتنسي اللي شفتيه، وتكملي حياتك كأم لحور، وتفضلي الزوجة المطيعة اللي عايشة في خيري… يا إما هرميكي بره البيت ده بهدومك، وهفضحك وأقول إنك مريضة نفسياً، وهحرمك من حور اللي روحك بقت فيها، وإنتي عارفة إني أقدر أعملها!
زقني على الأرض بقسوة، وطلع وسابني مرمية في المكتب، غرقانة في دموعي وصدمتي.
مرت ساعات وأنا على الأرض، مش قادرة أقوم. كل حاجة فيا مكسورة. بس وسط العتمة دي، سمعت صوت خطوات صغيرة… باب المكتب اتفتح بالراحة، وحور دخلت. كانت ماسكة لعبتها وعينيها البريئة مليانة قلق. قربت مني، مدت إيدها الصغيرة تمسح دموعي وقالت بصوت طفولي
ماما ندى… بتعيطي ليه؟ بابا زوّعلك؟ أنا بحبك أوي، متعيطيش.
في اللحظة دي، بصيت في عينيها. البنت دي مالهاش ذنب. دي ضحية زيه زيي، ضحية لأب أناني وأم خانت بنت خالتها. حور هي الحتة النظيفة الوحيدة في المستنقع ده. حبها ليا حقيقي، وتعلقي بيها هو الشيء الوحيد اللي مخليني عايشة. لو واجهته دلوقتي وطلبت الطلاق وفضحته، هياخدها مني ويحطها في ملجأ أو يرميها لأمه اللي بتكرهها ومبتطيقش تشوفها عشان فاكراها بنت شوارع.
قمت من على الأرض، حضنتها بكل قوتي، وشميت ريحتها اللي بتديني الحياة. وفي اللحظة دي، الدموع اللي في عيني نشفت، واتحولت لنار باردة… نار الانتقام. قررت إني مش هكون الضحية المكسورة اللي هيرميها في الشارع. أنا هرد له الصاع عشرة، وهسترد كرامتي، وحياتي، وبنتي اللي ربيتها!
تاني يوم الصبح، خرجت من الأوضة بوش خالي من أي تعبير. طارق كان قاعد على السفرة بيفطر، بصلي بترقب كأنه مستني انفجار. صبيت لنفسي كوباية شاي، وقعدت قدامه، وقلتله بصوت هادي كأنه الجليد
أنا فكرت في كلامك يا طارق. أنا مقدرش أعيش من غير حور، ومقدرش أرجع بيت أهلي وأنا مطلقة ومكسورة. أنا هقبل بالوضع ده… بس بشرط واحد، محدش في الدنيا يعرف السر ده، لا أهلك ولا أهلي. هنكمل حياتنا عادي كأنك اتبنيت حور، وأنا هربيها كأنها بنتي.
بصلي بصدمة، مكنش مصدق إن الاستسلام جه بالسهولة دي، بس غروره وتكبره صوروله إنه كسرني تماماً وإني أضعف من إني أواجهه. ابتسم بانتصار وقال
عين العقل يا ندى. كنت عارف إنك أصيلة وبنت ناس وهتختاري بيتك وبنتك.
من اليوم ده، بدأت ألعب أصعب دور في حياتي. قدامه، كنت الزوجة المطيعة الهادية اللي مركزة في تربية البنت. ومن وراه، كنت بشتغل زي النملة اللي بتبني جيشها في السر.
استغليت نزوله الشغل وبدأت أفتش في كل ورقة في البيت. دورت في درج مكتبه، في هدومه، في لابتوبه. لقيت كوارث! لقيت ورق بيثبت إنه كان بياخد قروض بضمان شقتي أنا! الشقة اللي ورثتها عن أبويا وكتبتهاله بيع وشراء عشان يوسع علينا في الشغل زي ما فهمني. لقيت مستندات بتثبت إنه كان بيختلس فلوس من الشركة اللي شغال فيها عشان يصرف على علاج مها قبل ما تموت، وعشان يشتري الشقة اللي كانوا متجوزين فيها.
والأهم من ده كله… رحت لمعمل التحاليل اللي كان مطلع منه تقرير إنه عقيم، وبطريقتي، قدرت أوصل للموظف اللي هناك، وعرفت إنه دفع رشوة عشان يطلع التقرير ده باسمه، وأخدت نسخة من التقرير الأصلي اللي بيثبت إنه سليم 100. وعملت أنا كمان تحاليل شاملة في أكبر مستشفيات البلد، والنتيجة طلعت زي ما كنت حاسة… أنا سليمة تماماً، وعمري ما كان عندي أي مانع للخلفة!
جمعت كل الورق ده، شهادة ميلاد حور الحقيقية، تقارير التحاليل المزورة والأصلية، ورق الاختلاس والقروض، ورحت لأكبر محامي في البلد. الأستاذ رفعت، محامي ثعلب مابيرحمش. حكيتله القصة كلها من الألف للياء، وحطيت الورق قدامه.
المحامي بص للورق بذهول وقال
يا نهار أبيض! ده مش

مجرد زوج خاين، ده مجرم محترف! ده ممكن ياخد تأبيدة في قضايا التزوير والاختلاس دي.
قلتله بجمود أنا مش عايزاه بس يتسجن… أنا عايزة أجرده من كل حاجة. عايزة شقتي ترجعلي، وعايزة كرامتي تتردلي قدام أهله، وأهم حاجة… عايزة حور.
المحامي ابتسم وقال بالنسبة للشقة، قضية تزوير وبطلان عقد البيع مضمونة. بالنسبة لكرامتك، دي هنسيبها لوقتها. أما حور… بمجرد ما يثبت إنه أب غير صالح ومزور ومختلس، وتدخل أمه في الصورة كست مسنة غير قادرة على الرعاية، هنقدر نرفع قضية ضم حضانة ليكي بصفتك الأم البديلة اللي ربت البنت، خصوصاً إن أهل أمها الحقيقية ميتين. بس إحنا هنلعبها أذكى من كده… إحنا هنخليه هو اللي يتنازل عن حضانتها برجليه.
عدى شهرين. شهرين وأنا ببلع السم كل يوم وهو بيبصلي بنظرة شفقة ممزوجة باحتقار. وحماتي ما زالت بتيجي كل أسبوع تسمعني الموشح إياه
ياختي مش فاهمة عاجبه فيكي إيه! لا بتخلفي، ولا فيكي ريحة الفالحة، وكمان جايبالنا عيلة من الشارع نربيها عشان تعوضي نقصك!
وكنت بسكت… ببتسم ابتسامة باهتة وأنا عارفة إن النهاية قربت.
لحد ما جه اليوم الموعود.
كان يوم عيد ميلاد طارق. حماتي أصرت تعمل عزومة كبيرة في شقتنا، وعزمت أعمام طارق، وعماته، وأخواته البنات، وحتى والدتي وأخويا الكبير

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى