كنت عايش على مرتب مراتي، وهي اللي بتدفع الإيجار والكهربا والأكل وحتى مصاريفي الشخصية، وأمي كانت كل يوم تقول لي خليها تصرف، دي واجباتها. لحد ما مراتي في يوم بطلت تديني جنيه واحد. وأمي اتصلت بيها تعاتبها فردت عليها بجملة خلت أمي تسكت!
الجملة دي ماكنتش مجرد رد في تلفون، دي كانت القلم اللي صحاني من غفلة ثلاث سنين كاملين كنت فاكر فيها نفسي سي السيد وأنا مجرد عالة!
طول فترة جوازنا، كنت قاعد في البيت بلا شغل ولا عمل، بحجة إن السوق مريح وإن الشغل المتاح مش من مقامي. مراتي سارة كانت بتنزل من 7 الصبح، تطحن نفسها في شركتين عشان تسدد إيجار الشقة، وفواتير الكهربا والمية، وتجيب أكل البيت، وحتى مصروفي الشخصي وسجايري وقعدتي على القهوة كانت هي اللي بتدفعه من عرقها.
وكانت أمي دايماً تغذي جوايا الاستحقاق الزايف، وتقولي بثقة سيبها تدفع يا حبيب أمك، هي معاها وتستاهل، وبعدين ده واجبها طالما بتشتغل ومش مقصرة معاها في حاجة!، وكنت ببلع الكلام وبصدقه، وأتعامل مع سارة ببرود وكأن ده حق مكتسب، ومن غير حتى كلمة شكراً واحدة تجبر خاطرها.
لحد ما جه اليوم اللي اتفاجأت فيه بسارة بتبص لي بجمود غريب، وقالت لي بكل ثبات من النهاردة يا حازم، مش هيخرج من جيبني جنيه واحد للبيت ولا لمصاريفك.. كروت البنك اتغيرت، والفلوس اللي في البيت اتسحبت.
اتجننت! وقفت أزعق وأقولها يعني إيه؟! هتسبينا نجوع؟ وينفع يعني المصاريف تقف فجأة كدة؟!، بصت لي بنظرة قرف وسابتي ودخلت أوضتها وقفلت الباب.
جريت على أمي حكيت لها، فأمي شاطت وزاطت، ومسكت التلفون فوراً واتصلت بسارة وهي فتحة السبيكر قدامي عشان تسمعني جرى إيه يا سارة؟ إيه قلة الأصل دي؟! بقى تبخلي على جوزك وبيتك بالقرشين اللي بتكسبيهم؟ نسيتي إن ده واجبك عليه طالما هو قاعد والظروف مريحة معاه؟!
سارة أخدت نفس هادي جداً عبر التلفون، وسكتت ثواني، وبعدين ردت بنفس النبرة الباردة اللي حسمت كل حاجة
واجباتي يا طنط؟ واجباتي دي كانت بتدفع من الحساب البنكي اللي سابهولي أخي الله يرحمه كوديعة باسمي.. أما مرتب شغلي الحقيقي، فأنا مأجازة منه بدون مرتب بقالي سنة كاملة بعلم حازم، عشان كنت بسدد قسط الشقة الجديدة اللي كتبتها باسمي.. والنهارده الوديعة خلصت، ومرتب حسابه هو شخصياً اللي كان بينزل على الفيزا بتاعتي من وراكي كمرتب صوري في شركة أختي، أنا قفلته!
الصالة سكتت تماماً.. أمي اتسمرت مكانها والتلفون بغى يقع من إيدها، وأنا حاسس إن الأرض بتلف بيا والدم اتجمد في عروقي.
التفت لأمي اللي كانت بتبص لي بذهول ورعب، وبصيت للتلفون، وسألتها السؤال اللي ينشف الدم في عروقها ويطير النوم من عينها
حكايات بسمة
هو يعني إيه مرتبه الصوري اللي كان بينزل على الفيزا بتاعتك يا سارة؟!
صوت أمي خرج مخنوق ومكسور، كأنها بتسمع لغة غريبة مش قادرة تستوعبها. الصالة اللي كانت من لحظة واحدة بتغلي بالزعاق والعافية، تحولت لصحراء ساكتة، مافيهاش غير صوت نفسي المتسارع ودقات قلبي اللي كانت بتخبط في قفصي الصدري زي المطرقة.
سارة على الناحية التانية من الخط أخدت نفس طويل، وسمعت صوت تكة ولاعة، وبعدها صوت فنجان القهوة وهو بيتحط على الترابيزة. قالت ببرود يذبح
سلي نفسك يا طنط واسألي ابنك حازم.. اسأليه إزاي كان بياخد مني كل شهر 12 ألف جنيه وهو قاعد على القهوة ومقتنع إنهم من شغلي أنا في الشركات، وهو مش عارف إن أختي كانت بتبعثهم له كمرتب صوري عشان ما يكسرش عينه، وعشان يفضل يحس إنه بني آدم له قيمة وله دخل، حتى لو كان دخل وهمي!
أمي لفت وشها ناحيتي ببطء شديد، عينيها كانت بتتسع برعب وصدمة مش طبيعية، ونظرات الاستعلاء والفخر اللي كانت بتملك وشها طول السنين اللي فاتت اتظلت وتبدلت بخيبة أمل ملهاش آخر.
حازم.. أمي همست بصوت بيترعش الكلام ده صح؟ إنت كنت بتاخد مرتب صوري من أخت مراتك؟ إنت مش شغال في تسويق العقارات أونلاين زي ما كنت بتقولي؟!
أنا ما قدرتش أرد. لساني اتعقد في بقي، ريقي ناشف كأنه تراب. كنت واقف في نص الصالة زي الصنم، لابس الترينج القديم اللي بقالي تلت أيام مش بغيره، وفي إيدي الموبايل اللي كنت بلعب بيه طول النهار. كل الأعذار اللي كنت بخترعها لنفسي ولأمي طول 3 سنين السوق مريح، الشغل مش من مقامي، أنا بدرس السوق أونلاين كلها اتسحقت في ثانية واحدة وتحولت لتراب تحت جزمتها.
سارة كملت كلامها من التلفون، ونبرتها كانت بتتحول من البرود للحسم الجراحي
عارفة يا طنط؟ أنا استقالت من الشركة الأولى من سنة كاملة لما عرفت إن عندي ألياف على الرحم ومحتاجة أرتاح ورميت حمل الشغل الثقيل. بس ما رضيتش أكسر قلب حازم ولا أحسسه إنه عاجز. أخي الله يرحمه كان سايبلي وديعة في البنك باسمي، كنت بفك منها كل شهر عشان أدفع إيجار الشقة ومصاريف البيت، وأختي كانت بتبعت جزء منها لحازم على إنه مرتبه الصوري من شغل الميديا اللي بيعملهولها عشان يحس بكرامته. لكن حازم ما صانش الكرامة دي يا طنط.. حازم خد الفلوس واستسهل القعدة، وبقى يصحى الساعة 2 الضهر، يطلب دليفري، وينزل القهوة يشرب سجاير ويدفع
للمشاريب لأصحابه، ويتنطط عليا في البيت ويقولي ده واجبك تخدميني!
أمي كانت بتسمع والدموع بدأت تتجمع في عينيها، التلفون في إيدها كان بيتهز. حاولت تدافع دفاع أخير ومستميت بس صوتها طلع واطي ومكسور
بس.. بس يا سارة.. ما يصحش تسيبيه كده مرة واحدة، إنتوا متجوزين وفيه بينكم عشيرة، والراجل لما يقع مراته تشيله..
سارة قطعت كلامها بضحكة قصيرة، ضحكة خالية تماماً من أي رحمة أو أمل
أشيله لما يكون بيسعى يا طنط! أشيله لما ألاقيه بيدور على شغل ب 3 آلاف جنيه ويحاول وبيرجع تعبان! مش لما ألاقيه رافض كل الشغل اللي بيتعرض عليه بحجة إن الباشا مهندس ومش هيشتغل شغلانة صغيرة! أنا شيلته 3 سنين كاملين من وديعة أخي اللي راحت كلها.. والنهاردة الوديعة خلصت، وشقتي الجديدة اللي كتبتها باسمي قسطها اتسدد بالكامل من مؤخري وميراثي. أنا أخدت أجازة بدون مرتب، ورايحة أقعد في شقتي الجديدة لوحدي.
سمعت صوت باب الأوضة جوة البيت بيتفتح. سارة خرجت من الأوضة وهي لابسة هدوم الخروج، ومجرورة وراها شنطتين سفر كبار.
كانت قافلة الخط مع أمي، ومسكت الموبايل حطته في شنطتها. بصت لي وبصت لأمي اللي كانت واقفة جنب الباب مش قادرة تتحرك.
وقفت أنا قدامها، وحسيت لرغبة عارمة إني أترما تحت رجليها، إني أصرخ وأقولها متسبنيش، بس الكبرياء الزايف اللي أمي زرعته جوايا طول سنين كان لسه بيخنقني.
سارة.. صوتي خرج واطي ومبحوح إنتي بتعملي إيه؟ هتمشي وتسيبيني كده؟ عشان شويه فلوس؟
سارة وقفت وبصت لي من فوق لتحت. النظرة دي.. عمرها ما هتتمحي من ذاكرتي. ماكانش فيها كره، ولا غضب، ولا حتى عتاب. كان فيها لاشيء. تحول كامل لشخص غريب ما أعرفوش.
مش عشان الفلوس يا حازم.. سارة قالتها بثبات مرعب عشان الفلوس لما راحت، اكتشفت إن مافيش راجل أصلًا في البيت. اكتشفت إني كنت متجوزة خيال مآتة، كنت بدفع له أجر إنه يمثل عليا دور الزوج. الفلوس اللي كانت بتخليك سي السيد اتنسحبت.. فرجعت لحجمك الطبيعي.
أمي جريت عليها ومسكت إيدها
يا سارة يا بنتي استهدي بالله! الست العاقلة ما تخربش بيتها بكتفها! حازم هيدور على شغل من بكرة، أنا هخليه ينزل يشتغل أي حاجة، بس بلاش الفضايح دي!
سارة شالت إيد أمي بهدوء شديد ورقتها لورا
أنا ما خربتش بيتي يا طنط.. البيت ده كان مهدوم من أول يوم إنتي قلتيله فيه سيبها تصرف ده واجبها وهو صدقك وساب مرجلته على باب الشقة. البيت اللي ما يتبنيش على شقا الراجل وعرقه، يبقى مجرد لوكاندة.. وأنا قفلت اللوكاندة دي خلاص.
سارة سحبت الشنطتين وفتحت باب الشقة.
سارة! صرخت فيها وأنا بقرب منها لو خرجتي من الباب ده، مش هترجعي تاني! فاهمة؟!
لفت بصت لي عند الباب، وابتسمت ابتسامة مكسورة وفيها كمية قرف مش طبيعية
هو ده المطلوب يا حازم.. أنا مش هرجع تاني. أوراق الطلاق هتوصلك على إيد محضر الأسبوع الجاي، والشقة دي إيجارها ينتهي أخر الشهر، ورنيش صاحب العمارة مستنيك عشان تاخد الباقي من التأمين.. وريني بقى هتصرف على نفسك إزاي إنت وطنت من غير الوديعة والمرتب الصوري.
قفعت الباب وراها بصوت هادي، بس الصوت ده نزل على دماغي زي القنبلة.
الهدوء اللي ساد الشقة بعد ما مشيت سارة كان يخنق.
أمي قعدت على أقرب كرسي في الصالة، وبدأت تعيط بصوت واطي وهي بتلطم على خدودها
يا لهوي يا فضيحتك يا حازم.. يا لهوي يا كسرة عينك يا ابني! بقى أختها بتديك مرتب صوري؟! بقى كانت بتصرف عليك من وديعة أخوها والمصيبة إنها كتبت الشقة الجديدة باسمها؟! يا خيبتي فيك يا حازم.. يا خيبتي!
بصيت لأمي، ولأول مرة في حياتي ما حسيتش بالتعاطف معاها. حسيت بغضب رهيب، غضب من نفسي ومنها.
إنتي بتعيطي ليه دلوقتي يا أمي؟! صرخت فيها وأنا بضرب على الترابيزة بقدتي بكل قوتي مش إنتي اللي كنتِ كل يوم تقوليلي سيبها تدفع، هي معاها وتستاهل، ده واجبها طالما بتشتغل؟! مش إنتي اللي خليتيني أكسل وأنام وأقول معلش السوق مريح؟! مش إنتي اللي خليتيني أحس إن ده حقي وأنا قاعد زي الحرمة في البيت وهي المطحونة بره؟!
أمي بصت لي بذهول ودموعها نازلة
