رواية نور الحياة

ديسمبر 17, 2025

0 33٬839 24 دقائق

والد نور عايز تفسخ الخطوبه!!!!!!!!!!……………. مفيش مشكله يا بني حقك…… بس لازم افهم أي اللي حصل ………….طريقتك محسساني أن في حاجه مش مظبوطه……..
علي اللي حصل أنكم ڼصابين …….اللي حصل أن بنت حضرتك مينفعش تتجوز ….وأنت كنت عايز تلزقهالي ……..هو أنت كنت فاكر أن بعد ما أخطب بنتك و أرتبط بيها فتره هقبل أكمل معاها بعد ما تعرفني أن عندها تشوه………
والد نور بعدم فهم تشوه أي ………انت بتقول أي
علي بقول اللي والدتي شافتوا ب عنيها لما كانت عندكم النهارده هو أنتو فاكرني مغفل و هرضي بحاجه زي دي كنت عايز تجوزني بنتك المشوه و تدبسني فيها بالقرف اللي ف ده ………بعدها قفل الخط في وش والد نور
نور في الوقت ده كانت واقفه و سامعه كل اللي أتقال تقريبا……….كانت بتسمع والدموع أبتدت تملي عيونها لغاية لما أبتدت تنزل بعد ما والدها ما قفل الخط
بطلتنا نور عندها 21 سنه طويله ببشره خمريه و شعر بني طويل و ناعم
نور ما بين شهقات عياطها أنا معنديش تشوه……….كل اللي حصل أني كنت بتكلم مع علي أمبارح بليل و قولت قدامه أن في زي علامه في ضهري و أني مش بحب شكلها ………بس هو بمجرد ما سمع و هو فضل يسألني أسأله كتيره أوي ……… شكلها أي…و حجمها أي و كلام كتير أوي بس أنا قولتلوا أن الموضوع ميستهلش كل الأسئله دي…… و قولتله لو عايز تتأكد….. مامتك ممكن تيجي عندنا و أنا هوريهالها و عشان كده هي جات عندنا النهارده الصبح و طلبت تتكلم معايا في الأوضه ……
والد نور بضيق و عتاب نور أنتي أزاي تعملي كل ده من غير ما تقولولي
نور بعياط يا بابا صدقني الموضوع مش تشوه خالص زي ما هما بيقولوا ………دي مجرد علامه مش أكتر…….و أنا قولت لو مامته شافتها هتفهم أن الموضوع مش مستاهل كل الكلام ده ……….
والد نور نور مكنش ينفع تقوليلهم…….. تيجو و تشوفوا ……..يشوفوا أي يا نور ……..هو أنتي بيعه …….انتي أزاي تتعاملي مع نفسك كده
والد نور كان متضايق جداا من تصرف بنتوا بس مقدرش يكمل عليها و سابها و قام خصوصا بعد ما نور دخلت في هستيريا عياط و ع أد ما كانت حزينه و مقهوره من الكلام اللي أتقالها ع أد ما كانت زعلانه ع بابها اللي ملهاش حد في الدنيا غيرو و اللي سمع كلام زي ده بسببها ……. لأنها فعلا غلطت و مكنش المفروض تعمل كل ده و كمان من غير ما تعرفوا

المهم أن الخطوبه أتفسخت و الموضوع كله أتلغي و رغم كل اللي قالوا خطيب نور ألا أن والدها كان راجل طيب عشان كده رجعلهم كل حاجتهم و أخد حاجة بنتوا و الموضوع أتقفل …..بس اللي متقفلش هو الچرح اللي سببوه ل نور ……..اللي من بعد فسخ الخطوبه دخلت في حالة أكتئاب و بقت رافضه تتعامل مع اي حد خالص و أي عريس كان بيجيلها كانت بترفض تقابلوا …………لدرجة أن أبوها كان بيفكر يوديها لدكتور نفسي لأنو كان حاسس أن الكلام اللي سمعته ده خلاها مهزوزه و مش حابه نفسها و خاېفه تواجه أو تتعامل مع اي حد و مهما حاول يتكلم معاها مكنش بيبقي في أي نتيجه …..و المشكله ان هو كمان كان خاېف يحصلوا حاجه و يسيب نور لوحدها و هي حرفيا ملهاش حد غيرو بعد مۏت والدتها يعني لو حصلوا أي حاجه هي هتبقي حرفيا لوحدها عشان كده بالنسبالوا نور كان لازم ترتبط و تخرج من اللي هي فيه ده ب اي شكل …….بس أزاي ده هيحصل و هي رافضه من الأساس تقابل أي عريس يتقدملها و حتي الدكتور النفسي هو مكنش هيقدر يتحمل تكلفته ……..عشان كده مكنش في أيدو حاجه غير أنو يحاول يضغط علي نور في كل مره بيجيلها عريس عشان ترضي أنها تقابلوا لكن هي كانت بتدخل في نوبة عياط و بترفض
و كل ده أثر علي والد نور هو كمان و خلاه حرفيا سرحان طول الوقت حتي في شغله
لغاية لما ف يوم و هو سايق العربيه لقي سيف بطلنا و الشاب اللي كان بيشتغل والد نور سواق لعربية والده و بعد مۏت والده ……….. والدة سيف خلتواالسواق الخاص لأبنها …….و بسبب كده سيف كان بيتعامل معاه بشكل ودي ………..سيف كان عندو 27 سنه طويل رياضي و معظم لبسه بدل بحكم شغله
سيف مالك يا عم محمد بقالك كام يوم سرحان و شكلك غريب خالص لو عندك مشكله ماديه عرفني
عم محمد لا يا بني مستوره الحمد الله ………مفيش حاجه
سيف أزاي بس مفيش حاجه …………أنت بقالك فتره كده أنت تعبان طيب ولا حاجه ……..أنا ممكن أديلك اجازه تريح فتره و مكانك موجود أول ما ترجع

عم محمد أنا كويس يا سيف بيه ………أنا بنتي بس تعبانه الفتره دي ومشغول بالي عليها
سيف سلامتها يا عم محمد ……….نور مش كده …أنا فاكر كنت بتجيبها معاك الفيلا عندنا و هي صغيره …..
عم محمد الله يسلمك يا بني ……ايوه يا بني هي نور ………أنا معنديش غيرها أساسا
سيف طيب مالها أحكيلي لو أقدر أساعد ……….أنت عارف أنا بعزك اد أيه ……..لو المسأله مسألة فلوس عرفني
عم محمد لا يا بني مش مسألة فلوس صدقني
سيف يا عم محمد أحكيلي يمكن أقدر أساعدك ………..أنت بترد عليا بأختصار أوي و عشان كده أنا مش قادر افهم أي مشكلتك …..
عم محمد مكنش عايز حد يعرف عن حالة بنتوا لكن كان فاض بي فعلا ………لأنو طول الفتره اللي فاتت كان بيحاول يلاقي حل لوحدو بس من غير أي فايده عشان كده لما سيف أتكلم معاه حس أن من جواه عايز………… و محتاج يتكلم مع حد ………و أبتدي فعلا يحكيلوا من أول ما خطيبها ده أتقدملها و لغاية لما حصل اللي حصل
سيف طيب كنت بتقول دكتور نفسي ليه مجربتوش حل زي ده لغاية دلوقتي
عم محمد بخزلان و يأس الجلسه الواحده هتكلف مبلغ وقدره و هتحتاج أكتر من جلسه و ياريت ضامن أن هيبقي في نتيجه

سيف عم محمد الشركه عندنا متعاقده مع مستشفي خاص و فيها دكاتره للعلاج النفسي ……..أحنا بندفع فلوس للتعاقد ده كل سنه سواء في حد أستفاد من الخدمات الطبيه أو لا ………….أنا هوجه ورقه للمستشفي و بنتك تقدر تبتدي علاجها هناك
عم محمد بس هي مش من موظفين الشركه يا سيف بيه
سيف متشغلش بالك بالكلام ده يا عم محمد………أنا ممكن أعملها عقد عمل بشكل
صوري تبع الشركه و تروح تتابع علاجها
عم محمد ربنا يخليك يا بني ………………انا مش عارف أودي جمايلك و جمايل المرحوم و الدك فين
سيف متقولش كده يا عم محمد ……….و لا جمايل و لا حاجه…………يتبع
ح
وصلنا لغاية أن سيف عرض ع والد نور أنها تروح لدكتور نفسي تبع التأمين الطبي اللي بتقدموا شركته و والد نور وافق فعلا و شكر سيف و فعلا بعد كام يوم نور أبتدت تنزل تتابع العلاج في المستشفي…… أول مره والدها راح معاها لكن بعد كده بقت تروح لوحدها …..لكن مكنش في أي تحسن خالص و كل الجلسات مكنش ليها أي نتيجه………….. و أبوها كان خلاص أستسلم لفكرة أن بنتو عمرها ما هترجع زي الأول ابداا…………و سيف كان نسي الموضوع أساسا و مفتكروش غير لما شاف عم محمد في نفس الحاله اللي كان فيها قبل كده
في اليوم ده هو كان نازل من مبني الشركه و كان هيركب العربيه بس وقف لما شاف حالة عم محمد
سيف عم محمد أنت كويس في حاجه
عم محمد وهو بيفتح باب العربيه أنا كويس يا سيف بيه اتفضل
سيف كان هيكمل كلام لكن قال بدل ما يتكلموا في الشارع …………يفهم منو و هما في الطريق أحسن
عشان كده بعد ما ركبوا العربيه و أبتدوا يتحركوا

ولأن سيف كان حاسس أن موضوع بنته ليه علاقه بحالته قال ل عم محمد عم محمد ………….هو علاج بنتك وصل لغاية فين
عم محمد ب ضيق و خيبة أمل العلاج مش جايب أي نتيجه خالص …………منه لله اللي كان السبب في اللي أحنا فيه
سيف مش عارف صدقني أقولك أي يا عم محمد
عم محمد متقولش حاجه يا سيف بيه …….أنت كتر خيرك …كفايه اللي عملتوا معانا
سيف أضايق علي حالة عم محمد بس مكنش في حاجه ف أيدو ممكن يعملها
و عدت الأيام لغاية لما في يوم عم محمد كان بيوصل سيف لمشوار وأتفاجأ ب مكالمه من واحده زميلة نور و بتكلمه من رقم بنته ……….و عرفته أن نور تعبت و هي في الجامعه و وأغمي عليها و لازم حد يجي ياخدها
والد نور ب فزع أنا جي حالا خليكي بس معاها يا بنتي الله يخليكي
سيف خير يا عم محمد…….. أي اللي حصل
والد نور و هو بيوقف العربيه بعدم أتزان بنتي وقعت في الجامعه و لازم أروحلها
سيف طيب و أنت وقفت العربيه ليه أطلع ع جامعة بنتك يا عم محمد
والد نور و أشغالك يا سيف بيه مش عايز أعطلك……….أنا هستأذنك بس و أنا هروح
سيف أشغال أي بس يا راجل يا طيب ………أنا اللي بقولك أطلع ع الجامعه

أول ما وصلوا عند بوابة الجامعه عم محمد طلع جري عشان يطمن ع بنته و ساب سيف اللي كان هينزل أساسا معاه بس ملحقوش و عشان كده فضل مستني جنب العربيه…………… لغاية لما عم محمد رجع و هو مسند نور اللي كان باين عليها انها دايخه و تعبانه …..كانت أول مره سيف يشوفها فيها …..سيف فتح ل نور باب العربيه و هو مركز في ملامحها التعبانه و المرهقه و الجميله في نفس الوقت مبقاش فاهم ………..دي خطيبها سابها عشان عندها تشوه…….طب أزاي ………المهم أنو مرضيش يخلي عم محمد يسوق العربيه و طلب منو يركب مع بنتو في الكنبه وراه و هو هيسوق ………و ع اد ما سيف كان مركز في الطريق ع أد ما كان كل شويه بيحاول يلمح بطرف عينو نور اللي كانت نايمه
و سانده

ع كتف باباها ………..كان مشدود ليها بشكل غريب هو نفسه مكنش فاهم بس قال ان ده أكيد تعاطف مع حالتها …….و لما وصلوا لبيت عم محمد …… كانت نور لسه دايخه و مش واعيه لأي حاجه بتدور حوليها و عشان كده أبوها سندها و طلعها و سيف أخد العربيه و أتحرك ع بيته بعد ما أطمن أنهم طلعوا خلاص…………سيف من بعد اليوم ده و هو صورة نور حرفيا مكنتش بتفارقه…… ف الأول كان فاكر أن الموضوع مؤقت لأنو متعاطف معاها بعد ما شافها في الحاله دي لكن بعد تلت أيام ع الحال ده ……حس أنو هيتجنن حرفيا مش عارف يركز و لا يفكر في أي حاجه تانيه ……….و عشان كده قرر أنو لازم يقابل البنت دي تاني و يفهم هو ليه عامل كده………… و فعلا قرر أنو هينزل في يوم ع ميعاد ليها في المستشفي هو كان عارفه

00:00 / 01:29

Copy video url

Play / Pause

Mute / Unmute

Report a problem

Language

Vidverto Player

بحكم أن أبوها عم محمد قال قدامه المعاد ده قبل كده
و فعلا أتحرك ع المستشفي بعربيته الشخصيه بعد ما بعت عم محمد ل مشوار لشركته عشان يجبله ورق بالعربيه التانيه
ولما وصل المستشفي أتفاجئ و هو داخل ب نور خارجه من البوابة و بتعدي جنبه بس من غير متلتفت ليه و فهم من طريقتها أنها معرفتوش مهو اليوم اللي كان مع أبوها فيه لما كانت تعبانه و جبوها من الجامعه هي مكنتش واعيه و كانت نايمه علي كتف أبوها طول الطريق أساسا
سيف فضل واقف بيراقبها من بعيد للحظات بيفكر يفتح معاها أي كلام لغاية لما جه فعلا في دماغه فكره و راحلها
سيف و هو بينده ل نور لوسمحتي
نور و هي بتتلفت حضرتك بتلكمني
سيف أيوه ……….ممكن أتكلم مع حضرتك خمس دقايق بس
نور أتفضل ……..في حاجه
سيف لا مفيش حاجه…….. عايز بس أتكلم معاكي شويه ………..
نور بتساؤل تتكلم معايا في أي يعني مش فاهمه
سيف طب نقعد ف مكان و نتكلم
نور لا ………… أسفه مش هقدر …بعد أذنك
سيف لا طب أستني …………..شوفي هفهمك …….. أنا كنت عايز أحجز النهارده عشان أبتدي جلسات للعلاج النفسي و كنت عايز أتكلم مع أي حد أخد الخطوه دي قبل ما أحجز يعني ………… الموضوع كلو دقيقتين مش أكتر ……….
نور اللي فهمته من كلامه أنو شافها في قسم العلاج النفسي و ع الأساس ده جه يطلب يتكلم معاها
نور هو انا فعلا بتابع هنا علاج نفسي مع دكتور بس صدقني مش هقدر أفيدك ……….ممكن تطلب تقعد مع دكتور مثلا أكيد هيفيدك أكتر مني …..
سيف أه بس أنا مش هقدر أطلب من دكتور أنا أساسا متردد في خطوة حجز الجلسات عشان كده قولت أحاول أتكلم مع حد

يمكن أقدر أخد الخطوه دي ………….معلش الموضوع مش هياخد وقت صدقيني هسألك بس عن كام حاجه
نور بسبب ألحاحه مقدرتش ترفض طيب تمام ……مفيش مشكله
سيف بعد ما لمح ب عينه كافيه في وش المستشفي طيب ممكن نقعد في الكافيه ده
نور طيب ما نقعد هنا في المستشفي ………يعني الموضوع مش هياخد وقت من الأساس
سيف مش هعرف أكلم هنا…….معلش نقعد في الكافيه ………هو بينو و بين المستشفي خطوتين
نور طيب
بعد ما دخلوا و قعدوا في الكافيه ………… يتبع
ح
وصلنا لغاية أن سيف قدر يقنع نور أنها تقعد معاه في كافيه و تكلمه عن تفاصيل العلاج النفسي بعد ما كڈب عليها و عرفها أنو عايز يبتدي
العلاج ده في نفس المستشفي اللي هي ب تتعالج فيها
و فعلا بعد ما دخلوا و قعدوا في الكافيه
نور أبتدت تحكي ل سيف عن تجربتها في العلاج النفسي يعني طريقة الجلسات و مدتها و الدكتور بيطلب أي و غيرو ………بس مقالتلوش أي تفاصيل عن مشكلتها الأساسيه أو أي سبب أنها أبتدت العلاج ده رغم أن سيف كان بيحاول يلمحلها أنو عايز يعرف اي السبب ….هو صحيح كان عارف بس كان عايزها تتكلم معاه و عشان كده قرر يجرب يكلمها عن تفاصيل حياتو يمكن تتكلم
سيف أنا كنت عايز الجلسات دي لأني مبقتش كويس خالص من بعد مۏت والدتي ……..مش قادر أتقبل فكرة مۏتها مكنش ليا

غيرها بعد مۏت والدي ………….و بقيت لوحدي بعد ما هي كمان أتوفت
سيف هنا مكنش بېكذب هو فعلا من بعد مۏت والدته و هو كان حاسس أنو تعبان و متضايق بس الشغل كان مالي وقتو عشان كده عمروا ما فكر في العلاج النفسي
نور ربنا يرحمهم و يصبرك يارب ………….نور لما لقيت سيف أتكلم عن تفاصيل مشكلته حست ان هي كمان عايزه تتكلم معاه عن مشكلتها لأنها حست أنو هيفهمها بحكم أن هو كمان بيعاني زيها …………عشان كده كملت و قالت أنا بتعالج بس عشان سبب مختلف……… تعبت من بعد ما خطيبي سابني و من ساعتها و أنا أبتديت علاج
سيف كان عارف السبب الي خلاها تسيب خطيبها بس كان عايزها تتكلم أكتر عشان كده كمل و سألها لسه بتحبيه
نور سكتت شويه بعدها ردت بسخريه لسه بحبه! أنا مبكرهش حد أد البني أدم ده …… بعدها نور كملت و الدموع أبتدت تتجمع في عيونها يمكن كنت بحبه بس حاليا أنا بكرهه أوي ….قالي كلام يوجع أوي
سيف بتلقائيه بصي اللي يلاقي أنسان بيحبو و يسيبوا……….يبقي غبي ف أشكري ربنا أنك خلصتي من واحد زي ده
نور بقلة حيله مش عارفه صدقني……….أنا لغاية النهارده معرفش أنا أزاي كنت مخطوبه لواحد زي ده ……….. ع العموم أنت عايز مني حاجه تاني ………..
سيف الصراحه كنت عايز أطلب منك رقمك …………. لأن ناوي أحجز عند نفس الدكتور اللي بتابعي عنده يعني أكيد هقابلك تاني
نور بتردد مفيش مشكله ………نور بعدها طلعت موبايلها و أديتله رقمها و أخدت رقمه ولما كانت لسه هتقوم أتفاجأت ب حد ب يقعد معاهم ع نفس الترابيزه

سيف أنت بتعمل أي يا أستاذ…….أنت مين
علي لأ السؤال ده تسألوا ل نور هانم و هي هتقولك

أنا مين
سيف ل نور أنتي تعرفيه
بس نور مكنتش بترد
ف علي رد بدالها و قالوا تعرفني ! أكيد طبعا تعرفني ……….هي محكتلكش عن المغفل اللي كانت عايزه تغفله و تتجوزه قبلك ……………ع كده بقي انت المغفل الجديد
سيف بصوت عالي أنت بتقول أي يا بني ………..هو أنت جاي ترمي بلاك ده علينا
سيف بعدها بص ل نور المتسمره في مكانها كانت حرفيا عامله زي ما تكون أتجمدت مبتتكلمش وبتتفرج ع اللي بيحصل و هي بتتمني أنها تكون بتتخيل …….وأن كل ده ميطلعش حقيقي و مفقتش غير ع صوت سيف العالي نور…….. أنتي تعرفيه

علي بعصبيه و صوت عالي و هو بيكلم نور متقوليلوا ………و بالمره قوليلوا علي التشوه اللي عندك ولا ناويه تسيبهولوا مفاجأه زي ما كنتي ناويه تعملي معايا……….كمان يا تري قولتيلوا أنك مجنونه و بتتعالجي و لا دي كمان نسيتي تقوليهالوا ……. بعدها بص ل سيف و قال ده أنا ربنا بعتني ليك نجده …..
سيف بعد ما سمع الكلام ده و شاف شكل نور اللي كانت شويه و حرفيا هتعيط ……… مقدرش يمسك نفسه و قام في وشه بالبوكس ……..
سيف صحيح مكنش عايز يسيبوا بس لما وقعت عنيه ع نور اللي كانت واقفه متسمره و مبتنطقش حس أن المهم دلوقتي أنو يمشيها من هنا و بعدين يتصرف مع اللي أسموا علي ده و يفهم هو أزاي عرف مكان نور ……….لأن دي أكيد صدفه ………و ألا عرف منين أن نور بتتعالج………. يعني شكلوا بيراقبها ……
سيف و هو بيشد نور من أيدها عشان تخرج وراه و هو بيبص ل علي حسابنا لسه مخلصش و اللي أنت عملتوا ده أنا هدفعك تمنوا غالي أوي
بعد ما خرجوا سيف شد نور و ركبت معاه العربيه و أتحرك
نور طول الطريق كانت داخله في نوبة عياط و حرفيا ما بتوقفش
سيف نور أهدي ………..ميستهلش أساسا تعملي كل ده ……
نور نزلني لو سمحت
سيف أنزلك فين …..أنزلك تمشي في الشارع ازاي و أنتي بالمنظر ده
نور بعصبيه عايزه أنزل …..نزلني

سيف لو نزلتك هنا مش هتلاقي أي مواصلات ترجعي بيها انا طلعت ع طريق سريع …..أهدي و بطلي عياط و أنا هلف و أرجع و أول ما نوصل لمكان سكني هنزلك ……..
نور سندت رأسها ع التابلوه و أبتدت تحاول تبطل عياط لغاية لما قدرت فعلا توقف نفسها و كل ده كان تحت عيون سيف اللي كان من جواه مش قادر يتحمل حالتها دي ………..و كان بيتوعد حرفيا ل علي ……..بس رغم كده كمل طريقه لغاية لما وصل لمنطقه قريبه من بيت نور يدوب 5 دقايق بالتاكسي و تبقي عند بيتها و أول ما نور لمحت المكان طلبت منو ينزلها و هو وافق لأنو أساسا كان رايح للمكان ده بحيث أنو يوصلها لمكان قريب من بيتها بس في نفس الوقت يخليها تبان كأنها صدفه و بحكم أنها كانت سانده رأسها ع التابلوه طول الطريق ف هي مكنتش مركزه معاه أساسا……….كمان كانت هديت وبطلت عياط ……….
و بعد ما نزلت هو كمان ركن العربيه و نزل
نور أمشي من فضلك …….أنا هاخد تاكسي من هنا ……….و أسفه ع اللي حصل
سيف بعد ما تركبي همشي ع طول ……….و متتأسفيش مدام معملتيش حاجه ………أنتي كويسه دلوقتي
نور أنا كويسه شكرا ……بس ياريت تمشي
سيف في نفس اللحظه كان و قفلها تاكسي و ركبت كمان و مشيت
و بعدها هو كمان ركب عربيته و رجع ع الفيلا بتاعته
و بعد اللي حصل ده سيف عدا حوالي تلت أيام بعدها كلم عم محمد و طلب منو يجيلوا ع الفيلا عشان عايز يتكلم معاه
سيف عم محمد أنا محتاج أتكلم معاك في موضوع ……أنا دلوقتي في بيتي………هستناك تجيلي
عم محمد حاضر يا سيف بيه جاي مسافة الطريق
سيف ماشي يا عم محمد في أنتظارك
عم محمد أول ما وصل سيف دخلوا أوضة المكتب
سيف عم محمد ….. يتبع
ح
وصلنا لغاية أن سيف كلم عم محمد و طلب يقابلو طبعا بعد ما كان قابل

سيف أنت بتعمل أي يا أستاذ…….أنت مين
علي لأ السؤال ده تسألوا ل نور هانم و هي هتقولك

نور و قعد معاها في كافيه بحجة أنو عايز يبتدي جلسات العلاج النفسي في المستشفي
عم محمد أول ما وصل……….. سيف طلب منو يتكلموا في أوضة
المكتب
سيف عم محمد…………..أنت عارف أنا بعزك و بحترمك أد أيه ………و عشان كده أنا
عايز أطلب منك طلب
عم محمد بعدم فهم أتفضل يا بني …..
سيف أنا عايز أطلب منك ايد نور ………..

عم محمد پصدمه نور……….بنتي نور
سيف أيوه يا عم محمد………و لو بتعتبرني زي أبنك ف أنا عايزك توافق
عم محمد اللي يرفض حد زيك يبقي مچنون يا بني …….بس كل حاجه بالعقل بالعقل أحنا فين و أنت فين يا بني
سيف يا عم محمد صدقني أنا ميفرقش معايا الفلوس …..أنا كل اللي عايزوا أني أتجوز واحده تراعي ربنا في و ف ولادنا مستقبلا لا أكتر و لا أقل………و عشان كده أنا بطلب بنتك
عم محمد بس انت عارف يا بني حالة بنتي ………لو هتتجوزها شفقه أو تعاطف بعد ما شوفت حالتها………..أنا مش هقدر أوافق ……أخاف متقدرش تتحمل و تسيبها………..أنا بنتي هتدمر لو حاجه زي دي حصلت كفايه اللي هي فيه………أنا صحيح عايزها تتجوز و تتخطي اللي هي فيه ده لكن في نفس الوقت مش هديها غير لواحد بيحبها بجد ….أنا صحيح كنت بجبرها تقابل الناس اللي كانت بتجيلها بس مكنتش هجوزها أي حد و خلاص
سيف عيب عليك يا عم محمد ………ده أنت تعرفني من سنين و عارف أني مش كده……و الأهم من كل ده أنا عايز أرتبط ببنتك بجد ……مش شفقه ولا تعاطف و لا عشان الكلام اللي أنت قولته ده خالص
عم محمد يا بني أنا مش قصدي أغلط فيك و لا أهينك ….أنا أب و خاېف ع بنتي …..و زي ما قولتلك في الأول االلي يرفض حد زيك يبقي مچنون …………يعني لو هنتكلم عن الراحه الماديه ف أنا عارف أن بنتي هتعيش أحسن عيشه لو أتجوزتك لكن بردو أنا عايزها تعيش سعيده مع حد عايزها و بيحبها ……..و أنا بنتي كمان مش حمل چرح تاني………..
سيف نور هتبقي ف عيني ……..و أنا مش عايز أتجوزها شفقه زي ما انت فاكر يا عم محمد………. بس مدام قلقان كده أنا هقولك الحقيقه ……..أنت زي أبويا و أنا عارف أنك مش هتفهمني غلط

سيف بعد ما قال كده أبتدي يحكي ل عم محمد أن هو حب بنتو من يوم ما شافها و فوق كده حكالوا أنو راحلها المستشفي عشان يتأكد من مشاعره و أعتذرله أنو عمل حاجه زي دي من وراه بس فهموا أنو كان محتاج يتأكد من مشاعره عشان كده راحلها هناك من غير ما يعرفوا و أن نيته مكنتش سيئه ………. بس اللي سيف مجبش سيرته ل عم محمد و حصل في مقابلته مع نور هو الخڼاقه اللي حصلت مع علي اللي كان خطيبها خصوصا بعد ما فهم من كلام عم محمد أن نور محكتلوش أي حاجه عن مقابلتهم …..لأن عم محمد أتفاجئ بكل الكلام…… كأنو أول مره يسمعوا ……. المهم ان الكلام اللي سمعوا عم محمد من سيف خلاه فعلا يحس أنو بيحب بنتوا و مش عايز يرتبط بيها شفقه زي ما هو كان فاكر……….. و عشان كده وافق ع أرتباطه ب نور و أتفق مع سيف أنو هيفاتح نور و يرد عليه و سيف كمان طلب منو ميعرفش نور أن هو نفس الشخص اللي هي قابلته في المستشفي و أنوا حابب أنها تعرف لما يجيلهم البيت و يقابلها و عم محمد وافق بردو ع كده
عشان كده عم محمد أول ما وصل البيت نده ل نور بنتوا عشان يفاتحها في الموضوع
عم محمد نور يا بنتي ……..في موضوع كنت عايز اكلمك في
نور أتفضل يا بابا سمعاك
عم محمد سيف بيه طلب أيدك مني
نور سيف بيه …..صاحب الشركه اللي أنت بتشتغل عندو عايز يتجوزني أنا
عم محمد أيوه يا بنتي ……..كلمني و طلب أيدك …..ما هو كان معايا و شافك في اليوم اللي تعبتي في ف الجامعه و جيت أخدتك ……أنتي ممكن متبقيش فاكراه لأنك في اليوم ده كنتي تعبانه………..المهم يا بنتي أي رأيك
نور بهدوء و تردد أنا مش موافقه ………
عم محمد ليه كده يا بنتي………..أنا نفسي أفرح بيكي ….سيف بيه أنا أعرفه من سنين شاب محترم عمرك ما هتلاقي حد زيو
نور يا بابا أنا مش عايزه أتجوز ……..حرام عليك بقي متضغطش عليا
عم محمد يا بنتي أنا مش هعيشلك طول العمر….هسيبك لمين

نور بأنهيار يا بابا انا مش هتجوز أرحموني بقي و سيبوني ف حالي ……….نور بعد ما قالت الكلام أبتدت ټعيط و عم محمد كان بيحاول يهديها لكن بدون اي فايده
و طبعا بعد اللي حصل ده عم محمد معرفش يكمل كلام مع نور و سابها تنام في أوضتها و تهدي و فضل بعدها لمدة تلت أيام يحاول يقنعها تقابل سيف لكن هي كانت رافضه خالص ………هي صحيح كانت كل مره بيجبلها عريس كانت بتعند و بترفض تقابله بس لما عم محمد كان بيضغط عليها كانت بترضي لكن المرادي كانت مختلفه لأن عم محمد كان ملاحظ أن حتي الضغط مش جايب نتيجه معاها …… و الحقيقه أن ده كان ليه سببان أولهم اللي عملوا علي خطيبها لما كانت مع سيف …….. و كلامه اللي كانت بتسمعه ل تاني مره بس المرادي أتقال قدام كل الناس و طبعا ده عملها زي نكسه و تعب نفسيتها أكتر من الأول بكتير بس هي طول الوقت كانت بتداري ده عن أبوها لأنها خاڤت يعرف اللي عملوا خطيبها علي و يتخانقوا او تحصل حاجه عشان كده سكتت…….أما السبب التاني هو أزاي مدير شركه غني زي ده هيرضي بيها في نفس الوقت اللي خطيبها اللي كان موظف لا أكتر ولا أقل رفضها ف بالعقل أزاي ده هيرضي ……….و طبعا لأنها كانت خاېفه تترفض و تتجرح تاني رفضت …….المهم أن عم محمد فضل يأجل الموضوع مع سيف لغاية لما سيف حس أن في حاجه غلط و ف يوم و هو في العربيه
سيف عم محمد …….هو أنت عملت أي في موضوعي أنا و نور ……..هو في حاجه………. حاسس أنك كنت بتأجل لأن في مشكله …….هي نور رافضه تقابلني
عم محمد و الله أنا مكسوف منك يا سيف بيه و مش عارف أقولك أيه …….أنا حاولت أقنعها و أتكلم معاها كتير بس هي رافضه خالص و أنا صدقني غلبت معاها
سيف طيب بقولك أي يا عم محمد …….ينفع تاخد الملف الجاي ده
عم محمد بس كده عكس أتجاه الكومبوند
سيف لأ ما أحنا هنطلع ع بيتك بقي ……..يتبع

ح
سيف عم محمد …….هو أنت عملت أي في موضوعي أنا و نور ……..هو في حاجه………. حاسس أنك كنت بتأجل لأن في مشكله …….هي نور رافضه تقابلني
عم محمد و الله أنا مكسوف منك يا بني و مش عارف أقولك أيه …….أنا حاولت أقنعها و أتكلم معاها كتير بس هي رافضه خالص……….. و أنا صدقني غلبت معاها
سيف طيب بقولك أي يا عم محمد …….ينفع تاخد الملف
الجاي ده
عم محمد بس كده عكس أتجاه الكومبوند
سيف لأ ما أحنا هنطلع ع بيتك بقي ……..لازم نحطها قدام الأمر الواقع مش هينفع غير كده
عم محمد مش عارف يا بني بس واضح أن مش هيبقي في طريقه غير كده ………عم محمد بعدها سكت للحظات بيفكر بعدها كمل و قال أحنا نطلع ع البيت و ممكن أنا أكلم نور دلوقت و أقولها أن في واحد صاحبي هيجي معايا ع البيت و هخليها تجهز نفسها و تجهزلنا الغدا …….. و نشوف بقي الموضوع ده هيخلص ع أي
و فعلا عم محمد كلم نور و أتفق معاها ع الكلام ده و بعدها أتحرك هو و سيف بالعربيه ع بيته و أول ما وصلوا و خبطوا ع الباب
نور فتحت الباب و لقيت أبوها قدامها و الشاب اللي شافته في المستشفي ……
نور خاڤت لما شافت سيف و مبقتش فاهمه هو عرف منين مكان سكنها و يا تري حكي ل بابهاعن اللي عملوا علي معاها و لا أي اللي حصل …..أو هو جاي هنا ليه من الأساس …….كل ده فضل يدور في عقلها للحظات لغاية لما أبوها أدالها الصادمه الأكبر و فهمت من كلامه أن ده يبقي سيف صاحب الشركه اللي والدها بيشتغل عندوا و هو نفسه اللي طالبها للجواز
عم محمد خلصتي الغدا يا نور……….أنا عزمت سيف بيه و قولتلوا أنك طباخه شاطره …….ع الله متكسفنيش
نور بتوتر خلصتوا …..أحط بس الأكل ع السفرا

عم محمد ماشي يا نور……..بعد أذنك يا سيف بيه أغسل وشي و أيديا بس و أجي
سيف أتفضل يا عم محمد ……….سيف ل نور اللي كانت هتدخل ع المطبخ بعد ما بابها راح يغسل أيديه نور ……..
نور هو أنت عايز أي مني……….ليه كذبت عليا و ليه جيت المستشفي …….أنت كنت عارفني و كنت بتكذب عليا صح
سيف حاضر يا نور هجاوبك ع كل حاجه بس أستني لما نبقي لوحدنا ..
نور أنت قولت لبابا ع اللي عملوا علي
سيف مقلتلوش حاجه يا نور ………..و موضوع علي متشغليش بالك بيه خالص
نور قصدك أي ……….
سيف هفهمك بعدين
في نفس اللحظه دي كان رجع والد نور ع الصاله بعد ما غسل أيديه
عم محمد فين يا بنتي الأكل
نور بتوتر حالا هحط ألاكل يا بابا
عم محمد ماشي يا بنتي بس أستعجلي كده
في اللحظه دي نور سابتهم و راحت تجيب ألاكل من المطبخ ………
نور بعد ما حطت ألاكل ع السفره

نور أتفضلوا السفره جاهزه
و بعد ما قالت كده كانت هتسيبهم و تدخل أوضتها
عم محمد رايحه فين يا نور
نور أنا لسه واكله ………. مش جعانه يا بابا
عم محمد نور يا بنتي أقعدي و كلي ع أد متقدري عيب كده عشان الضيف ع الأقل
نور بأحراج حاضر
سيف كان مركز أوي مع نور و هو قاعد ع السفره و كان حاسس أن هي كمان

ديسمبر 17, 2025

0 33٬839 24 دقائق