قبل أي رد، وكأنها مستنية موافقتها، رحاب قلبها اتعصر، لأنها لأول مرة تحس بالخوف الحقيقي من الفقد، مش فقدان شخص بتحبه… لا، فقدان روحها نفسها، اللي رجعت تعيش بيها من جديد، اللي صحّت بيها من اللي كانت عايشاه، وفي الأيام اللي بعدها، سامح بدأ يزورهم كل فترة، ومع الوقت ليلى اتعلقت بيه، كان بياخدها يرسموا سوا، ويحكيلها عن أمها الحقيقية، ويوريها صور قديمة، وكل مرة كانت ترجع لرحاب تحكيلها بحماس، لكن رحاب جواها كان بيكبر رعب أسود، خصوصاً بعد ما المحامي قالها إن من حق سامح قانونياً يطلب حضانة ليلى باعتباره قريب دم، الليالي بقت صعبة، رحاب كانت تقوم
كل شوية تتأكد إن ليلى نايمة جنبها، تبصلها بالساعات وهي خايفة تصحى في يوم ومتلاقيهاش، وفي ليلة مطر قوية، صحيت على صوت خبط على الباب، قامت مفزوعة، ولما فتحت لقت ليلى واقفة بعنيها الحمرا من العياط، أول ما شافتها ارتمت فيها وهي بتقول إنتي هتسبيني يودوني؟ رحاب حضنتها فوراً وقالت مين قال كده؟ ليلى كانت بترتعش وهي بتقول سمعت طنط في المدرسة بتقول إن العيال بيروحوا لأهلهم الحقيقيين… رحاب بعدتها عنها شوية ومسكت وشها بين إيديها وقالت بحزم وهي دموعها بتنزل اسمعيني كويس… مفيش قوة في الدنيا كلها تقدر تبعدني عنك. ليلى بصتلها بخوف وقالت حتى لو مش من دمك؟ رحاب بقوة وقالت إنتي من روحي… والروح مبتتبعش ولا . بعدها بأيام، سامح طلب
يقابل رحاب لوحدهم، قعد قدامها في كافيه هادي وقالها أنا مش هرفع قضية. رحاب بصتله بعدم تصديق، وسامح ابتسم بحزن وقال البنت دي بتحبك… وأنا شوفت ده بعيني. رحاب أول مرة ترتاح من شهور، لكنه كمل بس أوعِ تكدبي عليها… خليها تعرف طول عمرها إنها كان عندها أم وهي بتولدها، وأم تانية اختارتها بقلبها. رحاب مقدرتش ترد، بس دموعها نزلت وهي بتهز راسها، وبعد شهور طويلة، في حفلة المدرسة، ليلى كانت واقفة على المسرح بتغني وسط الأطفال، رحاب قاعدة في الصف
الأول بتسقف وعينيها مليانة دموع فخر، وفجأة ليلى مسكت المايك وقالت فيه ناس بتجيب أطفال للدنيا… وناس بتديهم حياة، وأنا ربنا اداني الاتنين. كل الناس بصت لرحاب تلقائياً، وهي حطت إيدها على بقها من شدة البكاء، ولما الحفلة خلصت، ليلى جريت عليها وسط الزحمة وصاحت بأعلى صوت ماما! رحاب حضنتها وسط الناس كلها، وفي اللحظة دي فهمت إن بعض الروابط أقوى من الحقيقة نفسها، وإن الأمومة عمرها ما كانت بس دم وولادة، أوقات كتير بتكون اختيار، تضحية، وخوف وحب بيكبر كل يوم، لحد ما يبقى أقوى من أي سر، وأقوى من أي وجع فات.
