
صاحبتي بدأت تعيط بتمثيل يا ميرنا؟ بقيتي تشكي فيا أنا وطارق؟! ده إحنا كنا بنخدمك ألمنا!
أنا نفسي ركبي خارت.. حسيت بدوخة، معقولة أكون اتخدعت؟ معقولة الرسالة كانت مجرد لعبة عشان تخليني أعمل ده وأشكل شكوك في جوزي؟
بس ظابط الجمارك اللي كان بيفتش الشنطة نفسها، مسك الشنطة الفاضية بإيديه الاثنين.. وهزها.
بص للظابط التاني وقال الشنطة دي وزنها أتقل من الطبيعي وهي فاضية يا فندم.
اللحظة دي.. كان فيها صوت ضربات قلبي مسموع في كلها.
ظابط الجمارك جاب مشرط صغير، وبدأ يفحص البطانة الداخلية للشنطة.. طارق أول ما شاف المشرط، خطى خطوة لورا ناحية الباب، بس العسكري كان واقف وراه وسد عليه الطريق.
المشرط شق البطانة القماش.. وفجأة، ظهرت طبقة من الفوم المضغوط.. وتحتها، كيس بلاستيك أسود متغطي بلزق شفاف ومكبوس بعناية فائقة في الجانب الخفي بتاع الشنطة!
الصمت نزل على الأوضة زي المقبرة..
ظابط الجمارك طلع الكيس بحرص، وفتحه بالمشرط.. وظهرت بودرة بيضاء متجمعة في قوالب!
بص ظابط المطار للكيس، وبعدين بص لطارق ولصاحبتي اللي فجأة رجليهم ما بقتش شايلاهم، وصاحبتي وقعت على الأرض من الطول!
الظابط بصلي وقال بنبرة هادية بس مرعبة شابوه ليكي يا أستاذة ميرنا.. الشنطة
فيها كمية كبيرة من مادة الهيروين المخدرة.. مجهزة باحترافية في قاع سحري.
في اللحظة دي، طارق اتهبل! صرخ وهو بيشاور على صاحبتي أنا ماليش دعوة!! هي اللي جابت الشنطة دي!! هي اللي قالتلي نشتري الشنطة دي عشان تاخد العينة وتجهزها في أوروبا! هي اللي قاطعتك وكانت عاوزة تخلص منك عشان يتعين بدالك أخوها اللي بعدك في الكشف!!
الكلام نزل عليا زي الصاعقة!!
أخوها!! أخوها اللي كان الثاني على الدفعة بفارق درجات بسيطة!!
صاحبتي قامت من الأرض زي المجنونة وصرخت فيه يا خاين يا واطي!! مش إنت اللي اتفقت معايا عشان وتاخد اللي باسمها وتتجوزني بالفلوس اللي هيدفعهالي أخويا لما يتعين بدالها؟! إنت اللي حطيت الكيس بيدك في الأوتيل!!
تحولت لساحة حرب واعترافات متتالية! كانت أبشع وأحقر مما تخيلت.. ماكانتش بس زوج أو صاحبة، دي كانت مسبوكة بين جوزي اللي بعني عشان الشقة، وصاحبتي اللي باعتني عشان أخوها يركب مكاني في النيابة الإدارية!
أنا واقفة في النص.. مذهولة، منملة، مش قادرة أستوعب إن البشر ممكن يوصلوا للدرجة دي من والقذارة.. الدموع نزلت من عيني سخنة بتكوي وشي، بس ما كانتش دموع ضعف.. كانت دموع ووجع.
الظابط هز رأسه بأسف، وطلب الكلبشات فوراً.. العساكر على طارق وعلى صاحبتي وكلبشوهم هما الاثنين في ثواني، وسط صراخهم لبعض..
بصلي الظابط وقال أستاذة ميرنا.. برافو على ذكائك وسرعة تصرفك.. لو الشنطة دي كانت عدت وخرجت بيها من المطار،
أو اتقفشتي بيها برة التفتيش الذاتي، كان مستقبلك انتهى تماماً ودخلتي . اتفضلي معايا عشان نعمل محضر ضبط ورسمي بالواقعة وأقوالك، والنيابة العامة هي اللي ستحقق في الخلية دي.




