
حاولت… بصيت له بصعوبة.
“تنفسي ببطء… متقاوميش… سيبي جسمك يتأقلم.”
الكلام كان سهل… لكن اللي بحسه كان أبعد ما يكون عن السهولة.
بدأت أشوف حاجات… مش واضحة… ضباب… صور بتتغير بسرعة… صوت أبويا… وهو بيناديني… صوت بعيد… ضعيف.
دموعي نزلت:
“بابا…”
وفجأة… الألم وقف.
كأن حد فصل زرار.
وقعت على السـ,ــرير وأنا بلهث… جسمي كله عرق… ومش قادرة أتحرك.
هو قرب بسرعة… قاس النبض… الضغط… وكان واضح عليه توتر لأول مرة.
قال بصوت منخفض:
“استجابتك… أعلى من المتوقع.”
ضحكت ضحكة ضعيفة:
“دي مجاملة ولا أنا هموت؟”
بصلي… ولأول مرة… كان في قلق حقيقي في عينه.
“إنتي قوية… بس اللي بيحصل… كبير.”
عدت ساعات… وأنا بين صحيان ونوم… جسمي بيتعب ويرتاح… موجات.
وفي كل مرة… بحس إن في حاجة جوايا بتتغير.
مش بس جسمي… لأ… إحساسي كمان.
بقيت أسمع أدق… أحس أسرع… حتى الضوء بقي مختلف.
في اليوم التاني… صحيت وأنا حاسة إني أخف… بس في نفس الوقت… غريبة.
قمت من السرير… وبصيت في المراية…
وقفت.
أنا… أنا شكلي متغير.
مش كتير… بس ملامحي فيها حاجة جديدة… عيني أهدى… وبشرتي أنقى… كأن جسمي فعلاً بيعيد ترتيب نفسه.
خرجت من الأوضة… لقيته واقف في الصالة… كأنه مستني اللحظة دي.
بصلي… وسأل بهدوء:
“حاسّة بإيه؟”
قلت وأنا لسه مستغربة:
“مش أنا.”
سكت… وبعدين قال:
“ده طبيعي… جسمك بيعيد توازنه.”
قربت منه خطوة:
“أنا مش فاهمة… بس حاسة إن في حاجة جوايا… أقوى.”
هز راسه:
“وده اللي كنا بندور عليه.”
سألته بسرعة:
“وأبويا؟!”
قال:
“لو المرحلة دي استقرت… نقدر نبدأ ننقل النتائج ليه.”
الأمل ضرب قلبي بقوة.
بس في نفس اللحظة… في حاجة تانية ظهرت…
إحساس خفي… قلق.
بصيت له وقلت:
“طب وإيه المقابل الحقيقي؟”
سكت.
نظراته اتغيرت… ورجعت الغموض اللي كنت بخاف منه.
قال ببطء:
“كل تجربة… ليها تمن.”
اتجمدت مكاني:
“يعني إيه؟”
قرب خطوة… وقال بصوت هادي بس تقيل:
“التغيير اللي بيحصل جواكي… مش مؤقت.”
حسيت إن قلبي وقع.
“هتفضلي… مختلفة.”
سكت… وبعدين كمل:
“وممكن… مش ترجعي زي الأول أبدًا.”
الكلمة علقت في ودني…
“أبدًا.”
بصيت في المراية تاني… وبصيت لنفسي…
وساعتها بس فهمت…
أنا مش بس بحـ,ــارب عشان أنقذ أبويا…
أنا بدأت أخسر نفسي… حتة حتة.
ومكنتش أعرف… إن اللي لسه جاي…
هيخليني أختار اختيار… مفيش منه رجوع.




