الملياردير عزم الخدامه

المدير طلب من الخدامة تمثل إنها مراته في عزومة عشا.. وهي خلت الكل يسكت من الصد,مة!
الليلة اللي كاميليا لبست فيها فستان مكنش ملكها، عرفت إن فيه نظرات بتذل أكتر من الشتيمة.. ونظرات تانية ممكن تغير حياة بني آدم بالكامل.لحد الأسبوع ده، كاميليا مكنتش غير بنت الشغالة في قصر إياد زهران، واحد من أكبر رجال الأعمال في مصر. كانت بتدخل من باب الخدم الساعة 5 الصبح، لمّة شعرها، وجوانتي التنظيف في شنطتها، وشايلة هم الدنيا فوق كتافها. كانت بتمسح سلالم رخام عمرها ما هتطلع عليها ك ضيفة، وتلمع كاسات عمرها ما هتشرب فيها، وترتب أوض أكبر من الش,قة اللي عايشة فيها هي وأمها.
عالمها الحقيقي

كان على بعد 40 دقيقة من القصر، في منطقة شعبية بيوتها ضيقة بس قلوب ناسها واسعة. هناك كانت بتستناها ست الحبايب أمها، اللي بقالها سنة مريضة. الأم اللي كانت زمان بتبيع محشي وممبار في السوق، ودلوقتي مفيش فيها حيل تقوم من السرير. كاميليا كانت بتضحك في وشها كل يوم وكأن مفيش حاجة ناقصة، وكأن الفلوس مكفية، وكأن العلاج الغالي ده مش محتاج شهور شغل عشان تمن علبة واحدة.
عشان كدة، لما مديرة البيت قالت لها إن إياد بيه عايزها في المكتب، حست إن الأرض بتهتز تحتها.
إياد مكنش راجل سهل تفرزه. دايماً شيك، دايماً بارد، ودايماً بيتكلم كأن العالم كله شغال عنده. كاميليا مكنتش بتجرؤ تبص في عينه،

مش خوف، بس لأن الكل في القصر عارف إنه بيحب الناس اللي ملهاش صوت.
محتاجك تساعديني في حاجة، قالها وهو واقف قدام الشباك الكبير ومن غير ما يطلب منها تقعد. يوم السبت عندي عشا مهم جداً مع مستثمرين أجانب. واحد منهم فاكر إني راجل متجوز ومستقر.. والست اللي كانت هتيجي معايا اعتذرت.
كاميليا خدت ثواني عشان تستوعب
حضرتك عايزني أنا…؟
عايزك تمثلي إنك مراتي لليلة واحدة.
السكوت نزل عليهم زي الصاعقة. إياد كمل كلامه بمنتهى البرود كأنه بيطلب فنجان قهوة
هديكي 100 ألف جنيه.. وهتكفل بمصاريف علاج والدتك بالكامل في أحسن مستشفى خاص.
كاميليا حست بقلبها بيخبط في زورها. 100 ألف جنيه! المستشفى!

الفرصة اللي كانت مستنياها وبقالها شهور بتدعي بيها.. ومفيش بنك ولا سلفية ولا معجزة جابتها لها لحد عندها.
سألته ليه أنا بالذات؟
بص لها أخيراً بهدوء يوجع
لأنك كتومة.. ومحدش من دايرتي يعرفك. ولما الليلة تخلص، هترجعي لحياتك عادي من غير مشاكل.
دي مكنتش عزومة، دي كانت طريقته الشيك عشان يقولها إنه اختارها لأنها محدش هيحس بوجودها. كاميليا كان المفروض ترفض، وتخرج بكرامتها اللي فاضلة. بس الصبح الدكتور كان واضح معاها لو مبدأناش العلاج الجديد فوراً، حالة أمها هتسوء أكتر.
وافقت.
اليومين اللي بعدهم كانوا مزيج غريب من الذل والاكتشاف. مساعدة جات علمتها تمشي بالكعب، تمسك الكاس إزاي،

تاكل بإنهي شوكة،
تبتسم من غير ما تبين سنانها قوي، وترد على أسئلة عن بلاد عمرها ما شافتها وجامعات عمرها ما دخلتها. لبسوها فستان لونه أوف وايت، ومجوهرات من عيلة زهران، وألفوا قصة إنها قابلت إياد في لندن، واتجوزوا في حفلة ضيقة في أسوان، ومظهرتش في الحفلات قبل كدة لظروف صحية.
بس الأصعب مكنش حفظ الكدبة.. الأصعب كان نظرتها لنفسها في المراية لما لبست الفستان.
لأول مرة من زمان، مشافت الشغالة المطفي نورها اللي بتمسح الأرض لحد ما إيدها توجعها. شافت ست جميلة.. قوية.. هيبتها تملا المكان. ست يمكن كانت موجودة طول الوقت، بس مدفونة تحت التعب وإهمال الناس.
لما إياد دخل وشافها، سكت خالص. كانت لحظة واحدة بس، كاميليا

لمحت فيها الذهول في عينه. كأنه هو كمان اكتشف حاجة مكنش عايز يشوفها.
قال ببرود عشان يداري ارتباكه شكلك كويس.. الخطة هتنجح.
في ليلة العشا، الفندق كان كأنه قصر من ألف ليلة وليلة. نجف، ورد، بدل متفصلة، وبرفانات غالية. أول ما كاميليا دخلت وهي ماسكة في إيد إياد، الكلام سكت بالتدريج. كل العيون كانت عليها.
كانت حاسة بنظراتهم بتنهش فيها.. مين دي؟ وجات منين؟ وليه مسمعناش عنها قبل كدة؟
بس مشيت ورأسها مرفوعة.
أول واحدة قربت كانت فريدة، محامية الشركة وصاحبة إياد من زمان. طويلة، شيك، وسمّها في لسانها. ابتسمت ضحكة صفرا وقالت
أهلاً بالزوجة الغامضة..
بجد مفاجأة.
وجنبها كانت ست هانم والدة إياد، ست هيبتها

تخوف وعينيها باردة.
كاميليا ردت بمنتهى الأدب وهي بتحاول متتهزش. بالصدفة، واحد من الشركاء، سليم السيوفي، ظهر في اللحظة دي وغير مجرى الكلام. سليم كان غيرهم، عاملها باحترام حقيقي ومن غير تكبر.
طول العشا، كاميليا عملت اللي وعدت بيه بالظبط كلام قليل، ابتسامة في وقتها، وسابت إياد هو اللي يسيطر. بس فجأة حصلت حاجة إياد نفسه مكنش عامل حسابها..
المستثمر الألماني هانس، اللي كان إياد مړعوپ منه، بدأ يسأل أسئلة دقيقة جداً عن تاريخ عيلة زهران، وعن ذوق الزوجة في التحف واللوحات اللي مالية القصر. إياد بدأ يتلعثم، لأن القصة اللي ألفوها مكنش فيها التفاصيل دي.
وفجأة، فريدة المحامية، وهي عينيها بتلمع بشړ،

قاطعت الكلام وقالت بصوت مسموع للكل